Ukrayna Prezidenti Vladimir Zelenski ölkəsinin sürətləndirilmiş qaydada NATO-ya üzvlüyü ilə bağlı ərizəni imzalayıb.
"Report" UNİAN-a istinadən xəbər verir ki, bu barədə Ukrayna Prezidenti Təhlükəsizlik Şurasının təcili iclasından sonra videomüraciətində bildirib.
Onun sözlərinə görə, Ukrayna faktiki olaraq NATO Alyansının bir hissəsidir.
“Bu gün Ukrayna bunu de-yure etmək üçün müraciət edir. Biz Ukraynanın Alyansa sürətləndirilmiş üzvlüyü ilə bağlı ərizəsini imzalamaqla qətiyyətli addımımızı atırıq”, - Zelenski deyib.
Ukrayna lideri qeyd edib ki, Ukrayna de-fakto NATO-da öz yolunu keçib:
“De-fakto, biz artıq Alyansın standartlarına uyğunluğumuzu sübut etmişik. Biz bir-birimizə güvənirik, bir-birimizə kömək edirik və bir-birimizi qoruyuruq”.
Qeyd edək ki, bu gün NATO Baş katibi Yens Stoltenberqin də bu barədə açıqlama verəcəyi gözlənilir.
Şərhlər
NATO-ya Ukrayna lazım deyil,a kişi,NATO-ya Ukraynadan istifadə edərək Rusiyanı parçalamaq,zəiflətmək lazımdır.Yəni hələ başa düşməmisən?Ukrayna NATO üçün hərbi poliqondu,oradakı insanlar NATO-nun vecinə deyil.Nə qədər ki müharibə var,bunu bəhanə edərək səni NATO-ya almayacaqlar,bu müharibə isə onillər boyu davam edəcək.Ona görə də xam xəyallara qapılma.