“İllərdir mətbuatda “Siyasi partiyalar” haqqında qanunun dəyişməsi üçün təkliflər səsləndirilir. Amma indi hamı deyir ki, mövcud qanun qalmalıdır. Niyə indi belə danışırlar?”
APA xəbər verir ki, bunu Milli Məclisdə bu gün keçirilən “Siyasi partiyalar haqqında” yeni hazırlanan qanun layihəsinin ictimai müzakirəsində Vəhdət Partiyasının sədri Tahir Kərimli deyib.
O bildirib ki, Azərbaycanda çoxpartiyalı konstitusion mühiti təmin etmək üçün yeni qanuna ehtiyac var: “Qeydə alınmayanlar da daxil olmaqla, 100-dən siyasi partiya var. Amma xalqın çoxu nə partiyamızın adını bilir, nə sədrini tanıyır. Müharibə dövründə yenə də biz partiyalar olaraq yaxşı ki, bəyanatlarla çıxış etdik. Azərbaycanda çoxu bir şəxsin nüfuzu əsasında formalaşmış partiyalar var. Bir çoxları partiya sədri ilə dalaşıb gedib özünə partiya yaradıb. Biz bu gün xalqa partiyamızı göstərməliyik, xalqdan dəstək almalıyıq. Burada bəzi maddələrlə mən də razı deyiləm. Məsələn, partiya yaratmaq üçün ölkədə 20 il yaşamaq tələbi var. Amma yeni qanun layihəsi mütərəqqidir. Biz özümüzü cəmiyyətdə, dövlətdə təqdim etməliyik. Biz müstəqil dövlət kimi qapalı tipli partiyanı qəbul etmişik. Bəzi ölkələrdə açıq tipli partiyalar mövcuddur. Amma bizdə bu sistem deyil axı?! Partiyalar deyir ki, niyə biz MSK-ya hesabat verməliyik?! MSK hakimiyyət qoluna aid deyil. Eyni zamanda Hesablama Palatası rəsmi olaraq hər hansı hakimiyyət qoluna aid deyil”.
Şərhlər
A balam,a Tahir Kərimli,a qardaş,xalq partiya filan hərləmir ee,xalqın yaman günü üçün qarabaşşaq yeməyi var bir az və xalq deyir ki,sənin o partiyan da,partiyanın sədri də mənim o bir ovuc qarabaşşağıma ki,a kişi,camaatın maaşını qaldırın ee,maaşını,pensiyasını,sosial yardımını adam kimi verin dəə.Büdcədən kənar 7 milyard manatdan çox pul var,ondan verin heç olmasa.Nə təhər deputatlarsınız siz?Məsələ qaldırın,a balam,millət acdı ee."Bizim Cəbiş müəllim"də Şəfiqə Məmmədova kimi deyir xalq ki,"Buna bax ee,heç vecinə almır".Maaşlarınız qalxdı deyə özünüzü xoşbəxt sayırsınız,bəs xalq necə olsun?Xalqın hamısı deputat deyil axı.A balam,partiya dərdidi xalqın dərdi?Xalq partiyaları da ,partiya sədrlərini də söyəcək haldadı ee.Xalqa yemək vermək barədə düşünün,yemək.Yumşaq kreslolarda oturmusunuz deyə xalqı unutmusunuz.