İRANIN ÖLKƏMİZDƏKİ “313” ŞƏBƏKƏSİ... – Və bu ideologiyanı şüursuz şəkildə təbliğ edənlər... + FOTOLAR

Xəbər verildiyi kimi, Dövlət Təhlükəsizliyi Ximdətinin (DTX) əməliyyat-istintaq tədbirləri nəticəsində İran xüsusi xidmət orqanının nəzarəti altında, radikal-ekstremist dini ideyaların aşılanması yolu ilə Azərbaycan Respublikası vətəndaşlarından ibarət gizli yaradılmış qanunsuz silahlı birləşmə aşkar edilərək, zərərsizləşdirilib.

Bu barədə DTX-nın məlumatında qeyd olunur ki, İranın Azərbaycandakı səfirliyinə məxsus avtomobillə ölkəmizə üzərində dini şüarlar yazılmış köynəklər keçirilib. Üzərində “313” rəqəmi yazılmış köynəklərin Azərbaycanın bəzi rayonlarında keçirilməsi planlaşdırılan aksiyaların iştirakçılarına paylanması nəzərdə tutulubmuş.

Məlumat üçün qeyd edək ki, İran xüsusi xidmət orqanlarının təşkilatçılığı ilə köynəklərdə qeyd olunan “313” rəqəmi, İslam dinində xüsusi önəmə sahibdir. Bəzi hədislərdə 313 rəqəmi xüsusi müqəddəslik daşıyır. Qurani-Kərimdə qeyd edilmiş bir rəvayətə görə, Həzrət Davud Peyğəmbərin (ə) müasiri olmuş Bəni-İsrail hökmdarı Talut böyük bir qoşunla döyüşə yollananda Allah ona əmr verdi ki, öz əsgərlərini sınağa çəksin və sınaqdan uğurla çıxanları ayırıb özü ilə döyüşə aparsın. Talut əsgərlərinə əmr etdi ki, yolda qarşılarına çıxan çayın suyundan bir ovucdan artıq içməsinlər. Az bir hissə bu tapşırığa əməl etdi. Sınaqdan uğurla çıxanların sayı 313 nəfər oldu və onlar döyüşdə çoxsaylı düşmənə qalib gəldilər (Bəqərə, 249).

Bəzi rəvayətlərə görə, Bədr döyüşündə də 313 nəfər müsəlman özlərindən üçqat artıq düşmənə qalib gəlmişdi. Həmçinin, hədislərə görə, İmam Mehdinin (ə) sadiq silahdaşlarının da sayı 313 nəfər olacaq. Bu say tamamlandıqdan sonra isə İmam zühur edəcək...

Qanunla bu cür geyimlərdən istifadə etmək olarmı?

Bu barədə hüquqşünas Əlövsət Allahverdiyev “AzPolitika.info”-ya şərhində bildirib ki, AR Konstitusiyasına əsasən, hər kəs istədiyi dinə sitayiş edə və onu yaya bilər: “Dövlət tərəfindən vətəndaşların belə addımlarına məhdudiyyət qoyulmur. Bu, həm də beynəlxalq hüquq normalarına ziddir. Ancaq burada bir sıra məhdudiyyətlər var. Məsələn, dini ekstremizmi, terrorizmi təbliğ edən istənilən dini şüar qanunla qadağandır. Eyni zamanda sözügedən geyimdə yazılan şüar dövlətin təhlükəsizliyinə xələl gətirmirsə, bu zaman həmin geyimdən istifadə etmək olar”.

“Ancaq bizə məlum olmayan və məsələnin görünməyən tərəfləri var. Məlumdur ki, İran ilə Azərbaycan arasında münasibətlər o qədər də yaxşı deyil. İran hər fürsətdə Azərbaycanda iğtişaş törətməyə çalışır. İran bir neçə il əvvəl hicabla bağlı məsələlərdə də buna cəhd göstərmişdi. Hazırda ölkədə hicabla bağlı hər hansı bir qadağa yoxdur. Lakin bu şəbəkənin genişlənməməsi üçün dövlətin bu məsələdə müəyyən məhdudiyyətlər qoymağa ixtiyarı var. Dövlətimizin təhlükəsizliyi istiqamətində atılan addımlar təqdirəlayiqdir və bu dəstəklənməlidir”, - deyə hüquqşünas qeyd edib.

Vəkil Turan Abdullazadə isə “AzPolitika.info”-ya şərhində bildirib ki, qanunsuz olaraq dini təyinatlı ədəbiyyatı, audio və video materialları, mal və məmulatları istehsal etmə, idxal etmə, satma və yayma cinayət məsuliyyətinə səbəb olur: “Cinayət Məcəlləsinin 167-ci maddəsinə əsasən, qadağan olunmuş dini məzmunların yayılmasına görə - beş min manatdan yeddi min manatadək məbləğdə cərimə, iki il müddətə azadlığın məhdudlaşdırılması və ya iki ilədək müddətə azadlıqdan məhrumetmə cəzaları mövcuddur. Habelə dini ekstremist materialları, yaxud belə fəaliyyətin zəruriliyinə bəraət qazandıran materialları hazırlayanlar, saxlayanlar və yayanlar – səkkiz min manatdan on min manatadək miqdarda cərimə və ya iki ildən beş ilədək müddətə azadlıqdan məhrum etmə ilə cəzalandırılırlar. Bu əməllər dini düşmənçilik, dini radikalizm və ya dini fanatizm zəminində törədildikdə –üç ildən beş ilədək müddətə azadlıqdan məhrum etmə cəzası mövcuddur”.

“Təbliğat — bir nəzəriyyəni, ideyanı, biliyi və sairi kütlə arasında yayma, təbliğ etmədir. Həmin köynəklərlə hər hansı bir dini ideyanının müvafiq icra hakimiyyəti orqanı ilə razılaşdırmadan qanunsuz olaraq yayılması sübuta yetirilərsə, bu artıq qadağan olunmuş dini təbliğat hesab olunaraq müvafiq məsuliyyətə səbəb olacaqdır”,-deyə vəkil bildirib.

Məlumat üçün onu da qeyd edək ki, son 2-3 ildə xüsusən də, azyaşlılar arasında üzərində 313 yazılan geyimlərin geniş təbliğatı aparılır. Belə geyimlərin əlçatan və qiymətinin çox ucuz olması (10-15 manat) insanları şüursuz şəkildə bu təbliğatın bir parçasına çevirir. Hazırda paytaxt və bölgələrdə yerləşən bir sıra mağazalarda bu cür dini şüarlarla “bəzədilmiş” geyimlərə rast gəlmək mümkündür. Bu geyimlər əsasən “Sədərək” ticarət mərkəzindəki topdansatış məntəqələrindən bölgələrə və paytaxt mağazalarına paylanılır. Həmçinin sosial şəbəkələrdə də belə geyimlərin açıq satışı həyata keçirilir.

Şübhəsiz ki, bu cür simvollarla verilən gizli mesajlardan anlayışı olmayan insanlar özləri də bilmədən İran rejiminin istəklərini gerçəkləşdirmiş olurlar. Şəhid mərasimlərində 313 formalı bir qrup şəxsin dini şüarlar səsləndirərək, ictimaiyyətdə fikir ayrılığı və çaşqınlıq yaratmaq niyyəti isə hər kəsə məlumdur...

İran rejimi isə insanların dini inancından sui-isifadə edərək, dini kəlamların müqəddəsliyini heçə sayaraq, bu şüardan öz çirkin məqsədlərini həyata keçirmək üçün istifadə etməyə çalışır. Ümid edirik ki, ölkəmizə qarşı hər fürsətdə hədyanlar səsləndirən, qonşuluq prinsiplərinə əməl etməyən, işğalçı bir rejimi dəstəkləyən İran İslam Respublikasının ölkəmizdəki havadarları heç olmasa bu hadisədən dərs çıxaracaqlar.

E. Bəyməmmədli

“AzPolitika.info”

635x100

Şərhlər

ƏNHU 2022-11-04 00:28:37

1. Xristianarda on iki həvari var. Cəfərilikdə isə bu on iki imamla əvəzləınib. 2. Xristianlarda müqəddəs Məryəm ana var Cəfərilər isə buna münasib Fatimeyi-zəhra ana yaradlb. 3. Xristianlıqda Apostol Pavel müqəsddəsləşdirilib Cəfərilikdə İmam Hüsüyn bununla əvəzlıənib 4. Xristianlıqda ikonaçılıq var Cəfərilikdə də ikoinaçılıq var. Bütün provasloav və katolik kilsələrində mövcud olan İSA Məsihin on iki həvari ikonası var. Bunu yamsılayan Həzrət Əli və ətrafında on iki imamın ikoasını yəqin ki, hamınız görmüsüüz. 5. Xristianlıqda qəbir üstündə şam yandırılır Cəfdərilikdə də eynisi edilir. 6. Xristianlıqda da kilsə və monastrlarda zəng çalınır, Cəfərilikdə İmam Rzanın ziyarətgahında da. 7. Xristianlıqda İsa Məsihin “ulaq” yanında ikonası var. Cəfərilikdə Həzrət Əlinin şirlə ikonası var. 8. İsa Məsihin də quzu ilə çəkilmiş iknası var, Həzrət Əlinin də eyni motivli ikonası yaradılıb. Bu cür paralellər onlarladır. Bu nə İslam, nə də şiəlik deyil. Xristianlığı yamsılamaqdır. Bu sözün həqiqi mənasında İslamdan və şiəlikdən ayrılmaqdır. Biz tarixən tarixən İslamdan bu cür qopmaları çox görmüşük və İran da qopma ərəfəsindədir. Bu ölkənin sərgilədiyi mövqe təkcə Azərbaycana yox, bütün İslam dininə xəyanətdir. Məni rahatsız edən həm də oradakı millətimizin uğradıldığı yanlışlıqdır.Görəsən birləşəndən sonra biz şimallılar cənublu doğmalarımızı iliklərinə qədər yeridilmiş dini yanlışlıqlardan xilas edə biləcəyikmi? Heç kim məni səhv anlamasın. Şiəlik və sünnülük bir güldana qoyulmuş iki güldür.

Abdulla 2022-11-03 20:53:35

Bu məsələdə Allahşükürü unutmaq olmaz.30 ildən çoxdur Azzərbaycanda İran dini yanaşmasını təbli etməldədir.Hətta İslam bayram günlərini islam təqvimindən bir gün sontaya leçirməklə İranın tərəfini tutub.Bundan başqa dini ayrıseçkilik məsələsində də İran yönümlülük onun əməlidir.

dadaşyev 2022-11-03 19:16:42

Bəqərə surəsində,ümumiyyətlə heç bir surədə 313 sayı haqda bir şey yoxdur.Bu,şiə hədislərindədir.Guya İmam Mehdi gəldiyində silahdaşlarının sayı 313 olacaq,həm də əsasən qeyri-ərəblərdən olacaqlar.Fars qeyri-ərəb olduğu üçün bu hədisi öz kəlləsindən çıxarmış heç şübhəsiz.Çünki Qurani-Kərtimdə nə şiəlik,nə sünnilik,nə imamlıq barədə bir tək kəlmə belə yoxdur.

Alim 2022-11-03 09:41:24

Iranla elagesi olan her kesi asmag lazimdi. Serhedi de bagliyin

Faiq 2022-11-03 08:51:15

Farsın islamla heç bir əlaqəsinin olmadığı kimi 313 un də onlarla elaqesi yoxdur, sadəcə müşrik olan farslar islamdan, hz Huseyinden, 313 dən və digər islama aid olan nələrdənsə islami parçalamaq, müsəlmanlar arasında məzhəb ayrımi edərək araya nifaq salmaq üçün istifadə edirlər.

Son yazılar