İranın Ali Rəhbərinin beynəlxalq məsələlər üzrə müşaviri, keçmiş xarici işlər naziri Əli Əkbər Vilayəti yeni məqalə yazıb.
Bu barədə “Azad İran” “Youtube” kanalında süjet yayımlanıb.
Bildirilib ki, Vilayəti bütün məqaləsi boyu istər Güney, istərsə də Quzey Azərbaycanda yaşayan azərbaycanlıları “azəri” adlandırır və azəriliklə iranlılıq arasında bərabərlik işarəsi qoyaraq yazır: “Bu gün uca səslə bəyan etmək lazımdır ki, hər bir azəri iranlı, hər bir iranlı azəridir; lap o azəri və iranlı İrandan xaricdə olsa və başqa bir pasport daşısa belə! Dünyanın istənilən yerində hər bir azəri maneəsiz şəkildə fikrini bildirirsə, ya İran vətəndaşıdır, ya İran vətəndaşı deyilsə də, nəzərləri İrana dikilib və ürəyində İrana istənilən başqa məkandan daha doğma bir yer ayırıb. Bizim əziz İranımız və Azərbaycanımıza müxalif olanlar istəsələr də, istəməsələr də, bu belədir”.
Bu sözlər, aydındır ki, Azərbaycan prezidentinin Türk Dövlətləri Təşkilatının Səmərqənd sammitində etdiyi məşhur çıxışa bir növ cavab kimi qələmə alınıb. Üstəlik, Vilayəti Güney Azərbaycan gənclərinin “haray, haray, mən türkəm” hayqırtısını görməzdən gələrək, paniranist ideologiyanın azərbaycanlılar üçün irəli sürdüyü “azəri” termininə istinad edir. Eyni zamanda, Quzey Azərbaycan əhalisinin iranlılarla eyni din, eyni məzhəb, eyni tarix və adət-ənənənin daşıyıcıları olmaqla yanaşı, eyni irqdən olduğunu yazmaqla, həyasızcasına azərbaycanlıların türk kimliyini inkar etmiş olur.
Daha ətraflı süjetdə:
Şərhlər
Sən gecələr yat,ay Vilayəti.Xameneyiyə tiryək daşımaqdan bir dəri qalmısan bir sümük.Adə az çək də bu zəhrimarı.Müftədi deyə özünü öldürməlisən narkotikaynan?Əvvəllər çəkmisən,bir qələtdi eləmisən,amma daha qocasan,burax belə şeyləri.Görürsən ki daha çəkən kimi sayıqlamağa başlayırsan.Demək beynin qurumağa doğru gedir.Xameneyiyə baxma,o altmışıncı illərdən Fransada Xomeyniylə yaman çəkəni olub,qoca qurddu.Sən özüvə gün ağla,nə qədər gec deyil qayıt bu yoldan.Hazırkı vəziyyətdə həm İranı,həm də Azərbaycanı sevmək olmaz,a kişi,iki sevda çəkənlərin cəzası var.