Zakir Qaralovun qohumu işdən çıxarılıb

Abşeron Rayon Mərkəzi Xəstəxanasının direktoru işdən çıxarılıb.

APA-nın əldə etdiyi məlumata görə, Abşeron Rayon Mərkəzi Xəstəxanasının direktoru Mehriban Qaralova bu gün vəzifəsindən çıxarılıb.

TƏBİB-in İctimaiyyətlə əlaqələr və tədbirlərin təşkili şöbəsinin müdiri Zamirə Ədilova faktı APA-ya təsdiqləyib.

Qeyd edək ki, Mehriban Qaralova sabiq Baş prokuror Zakir Qaralovun əmisi qızıdır.