İran Azərbaycana qarşı mübarizə aparmaq üçün Ermənistana hərbi dronlar verəcək.
"AzPolitika.info" xəbər verir ki, bu barədə ABŞ-ın nüfuzlu Ceymstaun Fondunun nəzdində fəaliyyət göstərən “Eurasia Daily Monitor” saytı məlumat yayıb.
Ceymstaun Fondu hesab edir ki, Tehran Bakını regionda öz maraqlarına uyğun addımlar atmağa inandıra bilmədikdən sonra Azərbaycana qarşı "məcburetmə taktika"sından istifadə etməyə çalışır.
Xəbərdə qeyd olunur ki, İran Avrasiyada silah satışını genişləndirmək niyyətindədir və Ermənistan bazarına daxil olmaqla, Azərbaycan-Türkiyə müttəfiqliyinin güclənməsinin qarşısını almağa çalışır.
"İranın Ermənistana təklifi ilə bağlı bir çox detallar açıqlanmasa da, Tehran çox güman ki, İrəvanı “Şahid-136” dronlarıyla təmin edəcək. Son həftələr Rusiya bu dronlardan Ukrayna müharibəsində mülki və hərbi hədəflərə qarşı istifadə edir. Ermənistan 2022-ci ilin avqustunda Rusiya, Belarus və İran arasında təşkil olununan “Şahin ovu” adlı birgə pilotsuz uçuş aparatları müsabiqəsi zamanı İran PUA-larının döyüş imkanlarını yaxından müşahidə etdi",- məlumatda bildirilir.
Xatırladaq ki, bir müddət əvvəl İran Ermənistana çoxlu sayda tank əleyhinə raketlər hədiyyə etmişdi.
"AzPolitika.info"
Şərhlər
iran qorxmur ki, erməniyə verdiyi qədər İzrail də bizə dron verər. iran dünənə qədər aftafa , lapatka düzəldə bilmirdi… Dronları da rusların silahları kimi bir şeydir.