Zəngəzuru Azərbaycandan ayırıb Ermənistana birləşdirmək xalqımıza qarşı növbəti cinayət idi.
"Report" xəbər verir ki, bu fikri Prezident İlham Əliyev Qərbi Azərbaycandan olan bir qrup ziyalı ilə görüşündə deyib.
"İrəvanın Ermənistana bağışlanmasını müxtəlif səbəblərlə izah etməyə çalışanlar o vaxt da olub, bu gün də var. Ancaq hesab edirəm ki, heç bir izahat qəbul edilən deyil, çünki ermənilər bu addımla kifayətlənməmişlər", - Azərbaycan lideri söyləyib.
Dövlət başçısı bildirib ki, İrəvanı orada yaşayan insanlardan xəbərsiz öz doğma diyarından məhrum etməklə Ermənistanın və ermənilərin kifayətlənəcəyini düşünənlər böyük səhv edirdilər və sonrakı tarix bunu bir daha göstərdi:
“1920-ci ildə sovet hökumətinin qərarı və erməni millətçilərinin təkidi ilə bizim digər tarixi torpağımız Zəngəzuru da Azərbaycandan ayırıb Ermənistana birləşdirdilər. Bu, xalqımıza qarşı növbəti cinayət idi. Bunun da məqsədi tam aydın idi. Birincisi, erməni millətçiləri sovet hökumətində mühüm vəzifələrdə idi. Digər tərəfdən, Azərbaycanı Naxçıvandan və Türkiyədən coğrafi nöqteyi-nəzərdən ayırmaq üçün atılmış bir addım idi”.
Şərhlər
Biz bu gün Rusiyanın qorxusundan real rus casusu,cani və böyük xəyanətkar Nacmuddin Sadıkovu cəzalandıra bilmirik.19128-ci ildə yenicə elan olmuş heç bir gücü olmayan,zəif bir ordusu ilə erməni-rus işğalçıları ilə vuruşan,generalı Əliağa Şıxlinskinin də rus casusu olduğu halda İrəvanın problemini necə həll edə bilərdik.Sovet dövründə Azərbaycan KP MK-sının əli ilə ermənistana verilən ucsuz-bucaqsız torpaqları yadınıza salın.Biz,AXC hökumətinə ona görə minnətdar olmalıyıq ki,heçdən Azərbaycan dövlətini elan etdilər.