Ermənistanın baş naziri Nikol Paşinyan Rusiya prezidenti Vladimir Putinlə bu gün keçirilən ikitərəfli görüşdə deyib ki, müzakirə olunacaq ən vacib məsələ Laçın dəhlizi ətrafında yaranmış vəziyyətlə bağlıdır.
Modern.az xəbər verir ki, Paşinyan Laçın dəhlizinin bağlı olmasından şikayətlənib.
"Təxminən 20 gündür ki, Laçın dəhlizi bağlanıb və bu, Dağlıq Qarabağdakı Rusiya sülhməramlılarının məsuliyyət zonasında baş verib", - Paşinyan bildirib.
O xatırladıb ki, üçtərəfli bəyanata əsasən, Laçın dəhlizi Rusiya sülhməramlılarının nəzarəti altında olmalıdır və Azərbaycan sərnişinlərin və yüklərin maneəsiz keçidinə zəmanət verib.
"Amma belə çıxır ki, Laçın dəhlizi Rusiya sülhməramlılarının nəzarəti altında deyil. Və təbii ki, mən bu vəziyyəti, onun həlli üçün hansısa variantları müzakirə etmək istərdim", - Ermənistanın baş naziri bildirib.
Paşinyan qəbula görə Rusiya liderinə təşəkkür edib və MDB ölkələri liderlərinin qeyri-rəsmi görüşünün yaxşı ənənəyə çevrildiyini qeyd edib.
Şərhlər
Deməli sərnişin və yük... "nikolcan" baxır hansı yük, eləcədə sərnişin...Terrorist sərnişin qismində keçə bilər...Yükə gəldikdə bu daha mürəkkəbdir, yük adı ilə 1-cisi silah-sursat, basdırdığınız mina hansıki onun qurbanları artıq yüzlərlədir, 2-cisi faydalı qazıntılar bizim torpağındısa, nə üçün bəhrəsini siz görəsiniz, nəticə etibarı ilə verib silah-sursata bizə tuşduyassız...