TALIBOVLAR DÖVRÜNDƏ TÖRƏDİLƏN CİNAYƏTLƏR... – Baş Prokurorluq dəhşət saçan açıqlamalarla bağlı cinayət işləri açıbmı?

Yanvarın 21-də Naxçıvan Muxtar Respublikası Ali Məclisinin keçmiş sədri Vasif Talıbovun istefasından 1 ay ötəcək. Ötən müddətdə bölgədə hadisələr sürətlə biri-brini əvəz edib. Prezidentin təyin etdiyi kadrlar Naxçıvandakı vəziyyəti araşdırır, əhali ilə görüşlər keçirir, problemləri, şikayətləri dinləyir, bölgənin inkişafı ilə bağlı yeni layihələr hazırlayırlar.

Talıbovlarsız keçən günlərin ən səs-küylü xəbərləri isə onların dövründə yerli əhaliyə, xüsusən sahibkarlara qarşı törədilmiş dəhşətli qanunsuzluqlar, cinayətlərlə bağlıdır.

Vaxtilə əmlakları quldurluq, zorakılıq, hətta adam oğurluğu vasitəsi ilə əllərindən alınmış iş adamlarının danışdıqları Azərbaycanın bu bölgəsində misli görünməmiş cinayətlərin baş verdiyinə dair təsəvvür yaradır.

Bu yaxınlarda “"Flaminqo”  restoranının sahibi Cəmil Fərəcov, “Badamlı” mineral sular zavodunun sahibi Elşad Məmmədov mətbuata əmlaklarının quldurluq yolu ilə əllərindən alınmasının təfərrüatını açıqlayıblar. Təkcə bu iki mütəşəkkil cinayətkarlıq hadisəsi Naxçıvanın keçmiş rəhbərliyinin, onların göstərişlərini yerinə yetirən şəxslərin Cinayət Məcəslləsinin 10-15 maddəsi ilə cəzalandırılmalı olduğunu təsdiq edir.

Maraqlıdır, ötən 1 aya yaxın müddətdə hüquq-mühafizə orqanları ictimailəşdirilən bu faktlar, habelə vətəndaşlar tərəfindən edilən şikayətlərlə bağlı hansı tədbirləri görüblər?

Konkret adlar çəkilir, etiraflar səsləndirilir. Talıbovların cinayətləri demək olar ki, açıqdır, hər şey ortadadır, amma hüquqi prosedurlara hələ ki, start verilməyib...

Ortaya çıxan iddialardan belə məlum olur ki, sahibkarlara qarşı həyata keçirilən mütəşəkkil cinayətkarlıq hadisələrində həmin dövrdə Azərbaycan hüquq-mühafizə orqanlarının bəzi əməkdaşları da iştirak edib. Xüsusən, Talıbov rejiminin təqib etdiyi şəxslərin Bakıda DİN-ə çağırılması, Naxçıvandan göndərilən banda üzvlərinə təhvil verilməsi halları baş verib.

“Flaminqo” restoranının inzibatçısı məhz Azərbaycan DİN-in vasitəsilə sahibkar Cəmil Fərəcovun Naxçıvana girov göndərildiyini açıqlayıb. Bu faktlar keçmiş Daxili İşlər naziri Ramil Usubovla Vasif Talıbov arasında möhkəm dostluq əlaqələrinin mövcudluğundan qaynaqlanıb. Belə məlum olur ki, Talıbovun sifariş etdiyi istənilən şəxs Bakıda hüquq-mühafizə orqanları tərəfindən saxlanılaraq Naxçıvandan gələn mütəşəkkil banda üzvlərinə təhvil verilib. 

Eləcə də keçmiş Baş prokuror Zakir Qaralov da Vasif Tallıbovla isti, daha da konkretləşdirsək, tabeli münasibətlərə malik olub. Mötəbər mənbələr bildirirlər ki, Qaralov ölkədə baş verən səs-küylü olaylar, iri miqyaslı cinayət hadisələrinin istintaqı ilə bağlı gündəlik Vasif Talıbova məruzə edirmiş.

Lakin dövran dəyişib. İndi nə DİN-in rəhbərliyində Talıbovun bütün qanunsuz sifarişini yerinə yetirəcək adamlar əyləşib, nə də Baş Prokurorluqda ona gündəlik məruzə edən qaralovlar iş başındadır. Belə olduğu halda Talıbovun Naxçıvan dəhşətləri ilə bağlı sahibkarların, cinayət qurbanlarının açıqladıqları dəhşət saçan məlumatlara Baş Prokurorluğun reaksiyası necədir? Mediada gedən çoxsaylı məlumatlar, yazılarla bağlı cinayət işləri açılıbmı? 

Bu barədə Baş Prokurorluğa ünvanladığımız sorğunun cavalandırılacağı bildirilib. Ona görə də sualı açıq saxlayırıq. 

Hüquq və İnkişaf Mərkəzinin rəhbəri Hafiz Həsənov isə “AzPolitika.info”-ya açıqlamasında bildirib ki, əgər cinayət əməlləri barədə mətbuatda məlumatlar gedirsə və onlar haqqında açıqlamalar verilirsə, bu hallar hüquqi araşdırmaların aparılmasını zəruri edir: “İndiki halda Vasif Talıbovun Naxıçıvan Muxtar Respublikasının ali vəzifəli şəxsi olduğu dövrdə törədilən hüquq pozuntuları ilə bağlı araşdırmalar aparılmalı və cinayət əməli ehtimalı yaradan hər bir fakt üzrə cinayət işi başlanmalıdır. Naxçıvan MR-də baş vermiş qanun pozuntuları barədə açıqlamalardan belə qənaətə gəlmək olar ki, bu qanun pozuntuları əsasən, vəzifəli şəxslər tərəfindən törədilən korrupsiya əməllərdir. Ona görə də bu işlərin hər biri Baş Prokuror yanında Korrupsiyaya Qarşı Mübarizə Baş İdarəsi tərəfindən araşdırılmalı və qanuna müvafiq tədbirlər görülməlidir”.

Rasim Əliyev

“AzPolitika.info”

635x100

Şərhlər

pensiyaçı 2023-01-18 17:22:59

Весело живем.... Акиф Човдарова забыли с 30-ти миленнами,теперь в моде Васелек со своим 30-ти милярдами.

köhne 2023-01-17 19:13:45

heç kese heç ne olmayacaq.Ancaq xalqdan başqa....

Eli 2023-01-17 18:06:54

Mentiq ve Elahezret faktlar onu deyir ki uzun iller vetendaşların halal Haqqını qorumağa mesul olan ,DİN ve Baş Prokurorlupun rehberleri ayrı ayrı rehber şexslerin “Haqqını “ qoruyublar ,yeni “Qanun Hakim Sinifin iradesinin müdafieçisidir” prinsipi esas götürülüb .Men hele diger nazirlik ve bsş şdare rehberlerini demirem.Tebii ki qanunun yerine yetirilmesine cavabdeh olan nazirlik rehberleri bu gündedirse daha başqalarının ne veziyyetde olduğu melumdur.

Habil 2023-01-17 17:46:14

Görəsən bu quldur məmur bandası biz millətə neçə TRİLYON atıblar? Biz isə yatırıq. Allah şirin yuxu verib bizə.

Cəmşid Dərələyəzli 2023-01-17 14:33:36

Soruşmaq ayıb olmasın, 30 ilə yaxın o Baş Prokrorluq merede idi. Vasif Talıbovun istefasından sonra, bu məsələnin indi bu qədər hallandıranlar, bilirlərmi ki, əslində bu yazılarla onlar dövlətin və dövlətçiliyin imicinə böyük zərbələr vurmuş olurlar. Əslində indi bu işlərə məsul olan aidiyyatı dövlət qrumlar da sorğulanmalıdırlar.

t.ədalət 2023-01-17 14:19:36

Yüz Vasif Talıbov bir keçmiş prokuror,.... bulaşığı Zakir Qaralovun törətdiyi cinayətləri törədə bilməz.Cinayətkarlar hamısı cəzalanmasa, ölkədə haqq yerini bula bilməz.

Son yazılar