Ali Məhkəmənin sədri Ramiz Rzayev Milli Təhlükəsizlik Nazirliyinin (MTN) generalları Akif Çovdarov və Sübahir Qurbanovun əmlaklarının müsadirədən azad olunması ilə bağlı qərarlara münasibət bildirib.
Ramiz Rzayev APA-ya açıqlamasında deyib ki, sözügedən əmlaklar qanunun tələbinə uyğun olaraq müsadirədən azad olunub. Yəni, qeyd olunan əmlakların cinayət yolu ilə əldə olunmadığı və cinayətdə iştirakçı olmayan şəxslərə məxsus olduğu sübut edilib: “Bu kimi hallarda istintaq orqanı tərəfindən müəyyən olunmalıdır ki, üzərinə həbs qoyulan əmlaklar oğurluq pulla alınıb, yoxsa şəxsin hər hansı qohumuna məxsusdur. Nə cinayət olursa olsun, biz qərar qəbul edərkən qanunu rəhbər tuturuq. Kimliyindən asılı olmayaraq, qanun qarşısında hamı bərabərdir. Biz deyə bilmərik ki, bu Çovdarovdu, bu başqasıdır, ona qanunu tətbiq etməyək. Mənim üçün nə fərqi var, Çovdarov, Qurbanov, ya da Məmmədov… Biz gərək qanunu düzgün şərh edək, birinə qarşı bir cür, digərinə başqa cür edə bilmərik. Dediyim kimi, biz qərar qəbul edərkən qanunu rəhbər tuturuq”.
Qeyd edək ki, Ali Məhkəmənin qərarına əsasən, keçmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun cinayət işinin müsadirə olunmuş əmlaklar hissəsi yeni baxışa qaytarılıb.
Bakı Apellyasiya Məhkəməsində yenidən araşdırılan iş üzrə 2022-ci ilin dekabrın 28-də qərar elan olunub. Qərara əsasən, Akif Çovdarovun yaxınlarının adına rəsmiləşdirilmiş 30 milyonluq əmlak xüsusi müsadirədən azad olunub.
Bundan başqa, bir neçə gün əvvəl keçmiş Milli Təhlükəsizlik Nazirliyinin Transmilli Mütəşəkkil Cinayətkarlığa qarşı Mübarizə Baş İdarəsinin sabiq rəisi, general-mayor Sübahir Qurbanovun cinayət işi üzrə müsadirə olunmuş bir neçə əmlak sahiblərinə geri qaytarılıb.
Şərhlər
Rzayev düz demir.Cinayeti perdeleyir.
Hakimləri hakimlərin HAKİMİ mühakimə edəcək. Buraxın nə istəyirlıər etsinlər. ALLAHIN etimadını itirməkdən böyük faciə yoxdur.
Bəs bu əmlakların hansı və haradan,necə,hansı yolla əldə olunan vəsait hesabına əldə olunması , qiymətləndirmə niyə Ali Məhkəmənin nəzərindən qaçırılıb? Rzayevin açıqlaması səmimidurmi?
Hamısı qırılmış əllərinin əziyyəti çıxmış gozlerinin nuruyla əldə edilib
Molodes iramiz irzayev tı naşix zaqunov xeraşo iznayt
Ramiz müəllim,deyirsiniz,yəni Çovdarovun arvadının adına olan əmlak halal pulla alınıb?Necə olur,ordunun bir polkovniki (əlbəttə,söhbət sağlam əqidəli hərbiçidən gedir) 25-30 il xidmət edir,bir ayaqyolu tikdirməyə pul tapmır,ancaq Çovdarovun qohum-əqrəbası 100 milyonlara sahiblik edir?Heyif,canını bu Vətən üçün düşmən gülləsinə sipər edənlərə.Qanunlarımız və qanunların tapşırıldığı adamlar da şərə xidmət edir..