Şuşadan keçən Xankəndi-Laçın yolunda Rusiya sülhməramlılarına məxsus daha 14 avtomobilin hərəkət etməsinə növbəti dəfə şərait yaradılıb.
"Report"un aksiya keçirilən ərazidəki əməkdaşı xəbər verir ki, toplanış yerində nəqliyyat vasitələrinin maneəsiz şəkildə hərəkət etməsi təmin olunub.
Belə ki, həmim təminat və təchizat avtomobilləri Laçından Xankəndi istiqamətinə maneəsiz hərəkət ediblər.
Bununla da bu gün bu dəqiqələrə qədər Xankəndi-Laçın yolunda maneəsiz hərəkət edən Rusiya sülhməramlılarına məxsus avtomobillərin sayı 60-a çatıb.
Bu, bir daha onu sübut edir ki, yol aksiyanın keçirilməsinə baxmayaraq, humanitar məqsədlər üçün açıqdır.
Şərhlər
Gün ərzində işğalçı ordunun 60 maşını Rusiyanın basqısı altında qalan Laçın-Xankəndi yolundan keçirsə,bu,şübhəsiz,Rusiyanın ərazidə öz cəbbəxanasını yaratmasından irəli gəlir.Yoxsa,bu qədər sayda maşının sərhədlərimizi murdarlaması nəyə lazımdır?Müttəfiqlik bunamı deyirik?Daha "ekofəallar"ın orda qalmasına nə ehtiyac var?
Arutunyan və Vardanyan da o tərəf bu tərəfə kefi istiyəndə keçir, Moskvaya gedib gəlirlər.