ABŞ Prezidenti Co Baydenə Ukrayna lideri Vladimir Zelenski ilə Kiyevdən kənarda görüşmək təklif edilib, lakin o, bundan imtina edib.
APA “Rolling Stone” nəşrinə istinadən xəbər verir ki, bu barədə Ağ Evin adı açıqlanmayan yüksək vəzifəli məmuru bildirib.
Qeyd olunub ki, Ukraynaya səfəri ərəfəsində Baydenə Vladimir Zelenski ilə görüşmək üçün məkan olaraq bir neçə variant təklif olunub ki, bunların sırasında Polşa-Ukrayna sərhədi və Ukraynanın qərbində, nisbətən təhlükəsiz hesab edilən Lvov şəhəri yer alıb.
Amerika Prezidenti isə Ukrayna paytaxtına səfərdə israr edib.
Şərhlər