“Rusiyanın yüzminlərlə əsgəri səfərbər etmək, o cümlədən onlara hazırlıq keçmək, hərbçiləri texnika ilə təmin etmək imkanı yoxdur”.
“Report” xəbər verir ki, bu barədə ABŞ-ın Müharibə Araşdırmaları İnstitutu məlumat yayıb.
Bildirilib ki, müxtəlif mənbələrin proqnozuna görə, Rusiya Prezidenti Vladimir Putin səfərbərliyin növbəti dalğasını elan edə bilər: “Amma Putin öz hakimiyyətinin sabitliyini itirəcəyindən narahatdır. Ona görə də səfərbərliyi təxirə salır. Həmçinin səfərbərlik üçün lazımi texniki imkan yoxdur”.
Məlumata görə, Rusiya Ukrayna müharibəsində tanklarının yarısını itirib: “Rusiyanın döyüş sursatları tükənir. ABŞ sanksiyaları Rusiyanın itirilmiş hərbi texnikanı kompensasiya etmək imkanlarını məhdudlaşdırır. Sanksiyalar xüsusilə tank və təyyarə istehsalı üçün vacib komponentlərin çatışmazlığına səbəb olub”.
Qərb analitiklərinin fikrincə, 2022-ci ilin sentyabrında Rusiyada səfərbərlik elan olunduqdan sonra rusların ABŞ-a köçü sürətlənib.
Qeyd edək ki, daha əvvəl Britaniya və Ukrayna kəşfiyyatları Rusiyada səfərbərliyin növbəti dalğasının elan oluna biləcəyini açıqlamışdı.
Şərhlər