Rusiya prezidenti bu beynəlxalq konfransları buraxmalı olacaq - Həbs təhlükəsi olduğu üçün

Beynəlxalq Cinayət Məhkəməsinin (BCM) qərarı RF prezidenti Putinin beynəlxalq sammitlərə səfərlərini şübhə altına alıb. Musavat.com xarici agentliklərə istinadən xəbər verir ki, bu qərar prezidentin ətrafı üçün də ciddi narahatıq doğurub.

Rusiyanın müxalif iqtisadçı və siyasətçisi Vladimir Milov Putinin həbsinə dair orderin prezidentin beynəlxalq əlaqələrinə necə təsir edəcəyi barədə danışıb.

BRİKS sammiti

Məlum olduğu üzrə, Putin bu ilin avqustunda Cənubi Afrika Respublikasında keçiriləcək BRİKS sammitinə dəvət olunub. Əvvəllər Putin BRİKS sammitlərində iştirak edirdi, lakin 2023-cü ildə Cənubi Afrikaya səfəri prezident üçün həbsxanaya çevrilə bilər. 

Cənubi Afrika Respublikası Beynəlxalq Cinayət Məhkəməsinin təsis sənədi olan Roma Statutunu imzalayan ölkədir. Cənubi Afrika prezidentinin sözçüsü Vinsent Maqvenia artıq respublikanın Putinin onların ərazisinə düşəcəyi təqdirdə həbs edilməsi ilə bağlı "hüquqi öhdəliklərini dərk etdiyini" bildirib.

Cənubi Afrika Respublikası Putini həbs etməyə hazır olduğunu bəyan edən yeganə Rusiyaya dost ölkə deyil. Braziliyanın xarici işlər naziri Mauro Vieira da Braziliyanın BCM-nə hörmət etdiyini, qərarlarını tanıdığını və Putinin Braziliyaya səfər edərkən “problemlər yaşaya biləcəyini” deyib.

G20 sammiti

Rusiya 2023-cü ilin dekabrında Hindistanda keçiriləcək G20 sammitinə də dəvət olunub. Hindistan Roma Statunu ratifikasiya etməyib və ondan Putinin Haaqaya ekstradisiya etmək tələb olunmur.

Ötən il G20 sammiti İndoneziyada keçirilib, Rusiyanı xarici işlər naziri Sergey Lavrov təmsil edib. Dmitri Peskovun sözlərinə gore, İndoneziya tərəfinin şəxsi dəvətinə baxmayaraq, Putin sammitə getməmək qərarına gəlib. Siyasətçi və iqtisadçı Vladimir Milova gore isə, Putin artıq tranzit ehtiyacı olan ölkələrə getməkdən qorxur. Üçüncü ölkələrin hava məkanı həqiqətən də Rusiya prezidenti üçün böyük problemə çevrilə bilər.

APEC Forumu

APEC-in növbəti forumu 2023-cü ilin noyabrında ABŞ-da keçiriləcək. Ev sahibi tərəf Rusiyanı dəvət edəcəyinə söz verib. ABŞ Roma Statutunun üzvü deyil, lakin Beynəlxalq Cinayət Məhkəməsinin qərarını dəstəkləyir. Bayden bunu "əsaslı" adlandırıb, çünki o, Putini hərbi cinayətkar hesab edir.

Şanxay Əməkdaşlıq Təşkilatı (ŞƏT) Forumu

2023-cü ildə ŞƏT-in növbəti iclası Tacikistanda keçiriləcək. Ötən il Putin ŞƏT forumunda iştirak edib. Tacikistan Roma Statutunun tərəfidir və Putini həbs etmək üçün qanuni öhdəliyi var. 

"Bu, Kreml üçün böyük başağrısıdır, onlar Putinin həbs olunmayacağına dair xüsusi təminat almalı olacaqlar", - deyə Milov bildirir.