Amerika Birləşmiş Ştatlarının "Wall Street Journal"ın müxbiri Rusiyada casusluq ittihamı ilə saxlanılıb.
APA-nın Moskva müxbiri xəbər verir ki, bu barədə Rusiya Federal Təhlükəsizlik Xidməti məlumat yayıb.
Bildirilib ki, "Wall Street Journal"ın müxbiri Evan Qerşkoviç Yekaterinburqda casusluq ittihamı ilə saxlanılıb.
FTX-nın məlumatına görə, amerikalı jurnalist ABŞ-ın göstərişi ilə Rusiya hərbi-sənaye kompleksinin müəssisələrindən biri haqqında dövlət sirri təşkil edən məlumatlar toplayırmış.
Jurnalist şəhərə Vaqner özəl hərbi şirkəti haqqında məqalə yazmaq üçün gəldiyi bildirib.
Şərhlər