Rusiya Ermənistana iqtisadi zərbələr vurmağa başlayıb – Süd idxalı qadağan olunub

Ermənistan məhkəməsinin ötən həftə Roma Statusunun ratifikasiyasıyla bağlı qəbul etdiyi qərar Rusiyada hiddətlə qarşılanıb.

“AzPolitika.info” xarici KİV-ə istinadla xəbər verir ki, Rusiya Ermənistanın Putinin həbsini nəzərdə tutan təşkilatın çıxardığı qərarları qəbul edəcəyini açıqlamasından sonra bu ölkədən süd idxalını qadağan edib.

Açıqlanan məlumatda bunun keyfiyyət problemlərinə görə olduğu bildirilsə də, ekspertlər İrəvanın sözügedən məsələ ilə bağlı cəzalandırıldığı qənaətindədirlər. Rusiyanın bu qərarı Ermənistanda hakim partiyadan olan deputat Qaqik Melkonyanın Vladimir Putinin ölkəyə səfər etməməsinin daha yaxşı olacağını deməsindən iki gün sonra qəbul edilib.

Ermənistandan Rusiyaya süd məhsullarının ixracının illik həcminin 20 milyon dollar olduğu bildirilir.

“AzPolitika.info”