Türkiyə müdafiə sənayesinin yerli və milli vasitələrlə inkişaf etdirdiyi elektro-optik kəşfiyyat, müşahidə və hədəf təyinetmə sistemləri düşmənə göz açdırmır.
“AzPolitika.info” Türkiyə mətbuatına istinadla xəbər verir ki, ASELSAN şirkətinin hava elektro-optik sistemləri - CATS və ASELPOD-un kütləvi istehsalı davam edir.
CATS sistemlərinin 2800-dən çox atışda 98% müvəffəqiyyət əldə etdiyi vurğulanır. Bu sistemlərin artıq 11 xarici ölkəyə ixrac olunudğu, daha 5 ölkə ilə danışıqlar aparıldığı deyilir.
Bundan əlavə, Türkiyə havada və yerdə istifadə olunacaq ASELFLİR-400 elektro-optik hədəfləmə sisteminin istehsalında son mərhələyə çatıb.
Bayraktar “Akıncı” və “Aksunqur” kimi PUA, SİHA və TİHA-larda istifadə edilməsi planlaşdırılan ASELFLIR-600 elektro-optik sistemi çox uzaq məsafələrdən hədəfləri aşkar etmək və izləmək qabiliyyətinə malikdir.
“AzPolitika.info”
Şərhlər