"700 bal yoxdursa, dünya dağıldı? Xahiş edirəm ki, bu fikirlərdən uzaqlaşın. Ümumiyyətlə, 290 baldan yuxarı nəticə göstərən şəxslər 300 bal toplayanlardan pedaqoji nöqteyi-nəzərdən fərqlənmir".
APA xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə deyib.
O bildirib ki, onların bilik səviyyəsi, demək olar ki, eynidir.
"Hansısa texniki məsələyə görə, hansısa bir problemə görə abituriyentlər tam şəkildə 300 balı toplamayıblar. Bu, təsadüfdür. Ola da bilər, olmaya da. Əsas odur ki, 200-dən, 290 baldan yuxarı nəticə göstərənlərin sayı çox olsun”, - deyə Məleykə Abbaszadə qeyd edib.
DİM sədri bildirib ki, builki məzunlar arasında təxminən 800 nəfər xarici dildən 100 faiz nəticə göstərib:
“Riyaziyyatdan 100 faiz nəticə göstərən təxminən 600 nəfər var. Onlar misal üçün riyaziyyatdan 100 faiz nəticə göstərirlərsə, ola bilsin ana dilindən 85 faiz nəticə göstərirlər. Onlar yaxşı, bacarıqlı uşaqlardır. Onların nəticələri həm bizim təhsil standartlarına, həm də beynəlxalq standartlara cavab verir”.
Şərhlər
ədalətli ol gözel Azərbaycan xanımı---bu günün sabahı var--sabah haqqın divanı var--hər kəs borclu və ya alacaqlı olacaq--səmimi olaraq 100 yaş yaşamağı arzu edirəm Sizə
Məleykə Abbaszadənin əsl ad soyad necədir.AXı onun milliyyəti açıqlanmır.EVladı xaricdə,özü kitab cümlələri ilə danışır.BU çox şey demit?