Prokurorlar Misirin həbsdə olan sabiq prezidenti Məhəmməd Mursi və “Müsəlman qardaşları”nın digər liderlərinin edamını tələb ediblər. Musavat.com xəbər verir ki, məlumatı “Associated Press” yayıb.
İttihamçı Əmad əl-Şəravi məhkəmə iclasında bildirib ki, Mursi və tərəfdarları bir illik hakimiyyətləri dövründə xarici kəşfiyyat xidmətlərinə, o cümlədən, İran kəşfiyyatına məxfi sənədləri açıblar.
Məhəmməd Mursi, “Müsəlman qardaşları”nın lideri Məhəmməd Badi və daha 34 nəfər Misirdə qeyri-sabitlik yaratmağa cəhddə ittiham olunurlar.
Məhəmmdə Mursi məhkəmədə günahsız olduğunu bəyan edib. O, noyabrın 26-da keçiriləcək növbəti məhkəmə iclasında müdafiə çıxışı etməlidir.
Şərhlər