Bakıda polis əməkdaşları tərəfindən həyata keçirilən əməliyyat nəticəsində narkotik maddələrin qanunsuz dövriyyəsi ilə məşğul olan paytaxt sakini, əvvəllər Cinayət Məcəlləsinin müxtəlif maddələri ilə dəfələrlə məhkum olunmuş Mahir Qonşuyev saxlanılıb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, onun üzərində şəxsi axtarış aparılan zaman yüksək təsiredici xassəyə malik külli miqdarda psixotrop maddə olan metamfetamin aşkar edilib.
Araşdırmalarla M.Qonşuyevin sosial şəbəkələrdə “Mahir Ay Brat” adlı səhifə yaradaq əsasən gənclər və yeniyetmələr arasında cinayətkarlığı, eləcə də narkotik maddələrin istifadəsi kimi zərərli vərdişləri təbliğ edən musiqili meyxanalar paylaşdığı müəyyən edilib.
Qeyd olunan faktla bağlı Cinayət Məcəlləsinin müvafiq maddəsi ilə cinayət işi başlanılıb.
M.Qonşuyev barəsində məhkəmə tərəfindən həbs qətimkan tədbiri seçilib, araşdırmalar davam etdirilir.
"Sonda sosial şəbəkə istifaçilərinə, gənclərə, yeniyetmələrə, özündə cinayətkarlığı və zərərli vərdişləri ehtiva edən videolar, musiqilər, həmçinin digər bu tipli mövzularda olan məlumatları paylaşmamağı tövsiyyə edirik", - məlumatda qeyd edilib.
Şərhlər
Ümumiyyətlə,”meyxana”,”meyxanaçı” anlayışlarını birdəfəlik efirlərdən və mətbuatdan yığışdırmaq lazımdır sovetdəki kimi.İndi bir iş idi oldu,yaşıl işıq yandırıldı bunlara,müsabiqələr-filanlar keçirildi,amma vallah tamamən gərəksiz şeydir millət üçün.Yeniyetmələrin dünyagörüşünə olduqca pis təsir edir.Bunlara baxıb on yaşlı uşaq da bir-iki beyt deyə-deyə təsbeh fırladır.A balam,təsbeh fırlatmaq əsridir?Bəşəriyyət Marsa getməyi düşünür,Allah evinizi tiksin,bunlar isə hoyhahoy,elə bil xoruz döyüşdürürlər.Biri tanışını bıçaqlayıb öldürür,biri metamfetamin qəbul edir,o biri üstünə benzin töküb yandırır.Nədəəbu?İstedadınız varsa Vahid kimi,Vurğun kimi,Müşfiq kimi ortaya samballı əsər çıxarın ki,xalq sizə layiq olduğunuz dəyəri versin.Yoxsa cahiliyyə dövrü ərəblərinin şeir yarışı kimi biri deyir,o biri ona cavab verir,toplaşanlar hoyhayoy alqışlayır,sonra o biri deyir,bu biri ona cavab verir,gurultulu sürəkli alqışlar,salon dözməyib ayağa qalxır.Adə bəsdi də.Dolamısınız özünüzü?