Uzun müddətdir Rusiyanın Sovet dönəmində istehsal olunan və 70-dən artıq yaşı olan köhnə T-54 tanklarını Ukrayna müharibəsinə göndərdiyi ilə bağlı xəbərlər tirajlanırdı. Qərb mətbuatında paylaşılan videodan sonra məlum olub ki, Rusiya bu tanklardan xüsusi taktikasını gerçəkləşdirmək üçün istifadə edirmiş.
“AzPolitika.info” xəbər verir ki, Böyük Britaniyanın “Daily Mail” nəşrində yayımlanan videoda görünür ki, Rusiya içi boş T-54 tanklarını partlayıcı maddələrlə dolduraraq, uzaqdan idarə etmə üsulu ilə Ukrayna səngərlərinə doğru hərəkət etdirir.
Paylaşılan kadrlardan görünür ki, ukraynalı hərbçilər tankı dayandırmaq üçün böyük səy göstərirlər.
“Daily Mail” yazır ki, tank ukraynalılardan təxminən 60 metr aralıda minaya düşərək dayansa da, partlayışdan yaranan böyük təzyiq dalğası yəqin ki, bəzi əsgərləri öldürüb.
Məlumatda həmçinin qeyd olunur ki, Rusiyan daha əvvəl də ən azı iki dəfə bu taktikadan istifadə edib.
“AzPolitika.info”
View gallery
Russian propaganda channel Romanov claims that Moscow stuffed the tank with six tons of explosives
Şərhlər