Azərbaycan Respublikası Milli Məclisinin I çağırış deputatı Akif Şahbazov vəfat edib.
“AzPolitika.info” xəbər verir ki, bu məlumatı A.Şahbazovun sabiq deputat həmkarı Zəminə Dünyamalıyeva öz sosial şəbəkə səhifəsində paylaşıb.
1957-ci il təvəllüdlü A.Şahbazov Yeni Azərbaycan Partiyasından 1995-ci il noyabrın 12-də 58 saylı Biləsuvar seçki dairəsindən deputat seçilib, O, 1995-2000-ci illərdə Milli Məclisin deputatı olub. Milli Məclisin Aqrar siyasət komissiyasının üzvü olub.
A.Şahbazov Milli Məclisin üzvü olarkən Yeni Azərbaycan Partiyasından ayrılaraq o zamanlar sabiq spiker Rəsul Quliyevin rəhbərlik etdiyi Azərbaycan Demokrat Partiyasına (ADP) qoşulan 7 deputatdan biri idi.
Sonradan o, bir müddət Rəsul Quliyevin təsisçisi olduğu Açıq Cəmiyyət Partiyasına (ACP) da sədrlik etdi. ACP-nin sədrliyindən istefa verdikdən sonra isə siyasətdən uzaqlaşmışdı.
Allah rəhmət eləsin.
“AzPolitika.info”
Şərhlər