ABŞ Prezidentinin oğlu Hunter Bayden gəlir vergisini qəsdən ödəməməkdə ittiham olunan iki ittihamı boynuna alıb.
“AzPolitika.info” “Röyter” agentliyinə istinada xəbər verir ki, qərar Ədliyyə Nazirliyi ilə sövdələşmə çərçivəsində qəbul edilib.
Razılaşmaya əsasən, bunun əvəzində Hunter Bayden 2018-ci ildə silah alarkən narkotikdən istifadə etmədiyi barədə yalan söyləmək ittihamı ilə mühakimə olunmayacaq. Təqsirləndirilən şəxsin tibbi müalicə və müşahidə altında qalacağı ilə razılaşacağı gözlənilir. Qeyd olunur ki, razılaşma şərtləri çox güman ki, Baydeni həbsdən xilas edəcək.
Xatırladaq ki, iş 2017 və 2018-ci illərdə vergilərin ödənilməməsi ilə bağlı xırda cinayətlərdən gedir və artıq bütün bu məbləğlər tam şəkildə ödənilib.
Bundan əlavə əldə olunmuş razılaşma hakim tərəfindən təsdiqlənməlidir. Hunter Baydenin nə vaxt mühakimə olunacağı hələlik bəlli deyil.
Hunter Baydenə qarşı ittihamlar Prezident Co Baydenin vətəni Delaverdə prokuror David Weiss tərəfindən aparılan araşdırmanın nəticəsi idi. Weiss əvvəlki respublikaçı Prezident Donald Trampın dövründə təyin edilib.
Hazırda 53 yaşlı Hunter Bayden vəkil və lobbiçi kimi çalışıb. 2014-cü ildə o, kokain testi müsbət çıxdıqdan sonra ABŞ Hərbi Dəniz Qüvvələrindən tərxis olunub. Demokrat siyasətçinin oğlu iki il əvvəl nəşr olunan xatirələrində alkoqolizm və narkotik maddələrdən sui-istifadə ilə bağlı problemlərdən yazıb.
Hunter Bayden illərdir Donald Tramp və onun respublikaçı müttəfiqlərinin, o cümlədən Çin və Ukraynadakı işi ilə bağlı amansız hücumların hədəfinə çevrilib. İkinci dəfə prezidentliyə namizəd olmaq niyyətini açıqlayan Trampın özü də son bir neçə ayda maliyyə sənədlərini saxtalaşdırmaqda ittiham olunub.
Tramp həmçinin Floridadakı mülkündə məxfi milli təhlükəsizlik sənədlərini qanunsuz saxladığına görə cinayət işi ilə üzləşir.
“AzPolitika.info”
Şərhlər