Ukraynanın Zaporojye vilayətində həlak olduğu bildirilrən Rusiyanın 35-ci Əlahiddə Ordusunun qərargah rəisi, general-mayor Sergey Qoryaçov Sankt-Peterburqdakı Serafimovski qəbiristanlığında dəfn edilib.
“AzPolitika.info” xəbər verir ki, bu barədə “Fontanka” internet nəşri məlumat yayıb. Nəşr qəbiristanlıqdan çəkilmiş fotoşəkilləri, eləcə də bazar günü, iyunun 18-də Liteiny prospektindəki “Zabitlər evi”ndə keçirilən vida mərasimindən cənazə maşını və fəxri qarovulla çəkilmiş kadrları dərc edib.
Qəbiristanlıqdakı lövhdə Qoryaçovun doğum və ölüm tarixləri görünür - 22.10.1970 - 12.06.2023.
Rusiyalı müharibəyönlü bloger Yuri Kotenok iyunun 12-də axşam general Qoryaçovun ölümü haqqında yazıb: “Düşmənin raket hücumu nəticəsində 35-ci Əlahiddə Ümumqoşun Ordusunun qərargah rəisi general-mayor Sergey Qoryaçov həlak olub”.
Onun sözlərinə görə, bu hadisə iyunun 12-də Zaporojye vilayətində gedən döyüşlər zamanı baş verib.
Sergey Qoryaçovun ölümünü Rusiyanın təyin etdiyi Zaporojye vilayəti administrasiyasının nümayəndəsi Vladimir Roqov da təsdiqləyib. O, “Teleqram”da yazır ki, Qoryaçovun simasında ordu “ən parlaq və ən təsirli hərbi rəhbərlərdən birini itirib”.
Kreml və Rusiya Müdafiə Nazirliyi generalın ölümü ilə bağlı açıqlama verməyib. Qoryaçov Tacikistandakı 201-ci rus bazasının komandiri olub. Rusiyanın Ukraynaya hücumu başlayanda, Qoryaçov 5-ci tank briqadasının komandiri olub, müharibə zamanı isə qərargah rəisi vəzifəsinə qədər yüksəlib. ordu. O, bu yaxınlarda - ölümündən əvvəl general-mayor rütbəsi alıb.
“AzPolitika.info”
Şərhlər