1994-cü ildə atəşkəs elan olunandan sonra Azərbaycan əhalisi 2 dəfə artıb, Ermənistan əhalisi isə xeyli azalıb.
APA xəbər verir ki, bunu Ermənistanın Baş naziri Nikol Paşinyan bu gün Ermənistan parlamentində 44 günlük müharibəni araşdıran istintaq komissiyasının növbəti iclasında jurnalistlərin suallarını cavablandırarkən bildirib.
“1994-cü ildə atəşkəs elan olunan zaman qeyd olundu ki, Ermənistan tərəfi müharibədə qalib gəlib, Azərbaycan tərəfi isə məğlub olub. Bəs niyə bu qələbə nəticəsində Ermənistanın əhalisi artmadı, əksinə azaldı və Azərbaycanı iqtisadiyyat sahəsində rəqabətdə məğlub etmək mümkün olmadı? Bu, təhlükəsizliyin təmin olunması və hərbi büdcə ilə bağlıdır”, - Paşinyan bildirib.
“Hamımız bilirik ki, 1997-1998-ci illərdə Qarabağ məsələsi Ermənistanın daxili siyasətində çox mühüm yer tuturdu”, - Baş nazir əlavə edib.
Şərhlər
Bu 1987ci ildən Xarici Destrukturanın sifarişi üzrə Ermənistanın fəaliyyət hesabatımı? Etnik deport, terror və vəhşi hərbi işğal Xərcləri respublikanın Tam dəyərini çoxdan üstələyib. Öyunən Azərbaycan da ağır zərər və dağıntılarını yarım əsrə bərpa edə bilsə, bəlkə də tarixi zəfər adlandırmaq olar?