Rusiya Prezidenti Vladimir Putin Ali baş komandan kimi ilk növbədə Müdafiə Nazirliyi və Baş Qərargahın rəhbərləri ilə işləyir.
APA-nın Moskva müxbiri xəbər verir ki, bu barədə Kremlin sözçüsü Dmitri Peskov Putinin Ukraynada cəbhə zonasındakı Rusiya qoşun qruplaşmasının komandan müavini, ordu generalı Sergey Surovikinə etimad göstərməyə davam edib-etməməsi ilə bağlı suala cavabında bildirib.
Peskov Surovikinlə bağlı sualları cavablandırmaqdan imtina edərək onları Müdafiə Nazirliyinə yönləndirib.
Qeyd edək ki, Rusiyanın müxalif, qərbyönümlü KİV-ləri Surovikinin “Vaqner” Özəl Hərbi Şirkətinin rəhbəri Yevgeni Priqojinin qiyam planlarından əvvəlcədən xəbərdar olduğunu, iyunun 25-də isə həbs olunduğunu yazıb.
Şərhlər
Bu meselede “günah keçisi” hele çox olacaqdır.