Çində bu şəxslərin “İphone”-dan istifadəsi qadağan edilib

Çin dövlət işçilərinə “Apple” şirkətinin “iPhone” markalı mobil cihazlarından istifadə etməyi və bu cihazların ofisə gətirilməsini qadağan edib.

“AzPolitika.info” xəbər verir ki, bu barədə ABŞ-ın “The Wall Street Journal” nəşri məlumat yayıb.

Maraqlıdır ki, sözügdən qadağa “Apple”-ın gələn həftə yeni “iPhone” modelini təqdim edəcəyi bir vaxtda qəbul edilib.

Qeyd olunur ki, Çin “Apple”-ın ən böyük bazarlarından biridir və şirkətin gəlirinin təxminən beşdə birini təşkil edir.

“AzPolitika.info”