Azərbaycanda son 1 həftə ərzində (4-10 sentyabr) koronavirus (COVID-19) infeksiyasına yoluxanların və peyvənd olunanların sayı açıqlanıb.
Nazirlər Kabineti yanında Operativ Qərargahdan verilən məlumata görə, həmin müddətdə infeksiyaya 126 yeni yoluxma faktı qeydə alınıb.
COVID-19-a yoluxan 123 nəfər sağalıb.
İndiyədək ölkədə ümumilikdə 832 438 nəfərin xəstəliyə yoluxması faktı müəyyən edilib, onlardan 822 004 nəfər müalicə olunaraq sağalıb, hazırda 132 aktiv xəstə var. Bu günə qədər 10 302 nəfər vəfat edib.
Məlumata görə, son həftə ərzində yeni yoluxma hallarının müəyyənləşdirilməsi ilə əlaqədar 2 909, bu günə qədər isə ümumilikdə 7 677 476 test icra olunub.
Eyni zamanda ölkədə son həftə ərzində 91 nəfər vaksinasiya olunub.
Azərbaycanda bu günə qədər vurulan vaksinlərin ümumi sayı isə 13 969 392 olub.
Şərhlər
Sərhədimizin bağlı qalmasına qoyulan müddətin hər dəfəki kimi son ayında viruslar yenə canfəşanlığa başlayıblar ki,daha bir neçə ay sərhədlərimiz bağlı qalsın. Çox ağıllı viruslardı.Dayanırlar,dayanırlar,son ayda başlayırlar insanlarımızı yoluxdurmağa.Bu gedişlə bu qışda da quru yollarımız açılmayacaq yüz faiz.Yaz gələr,yonca bitər.