Güney Azərbaycan Milli Hərəkatının fəallarından Mehrdad Qadiri sentyabrın 14-də saat 17:00-da ETTELAAT (Təhlükəsizlik və Kəşfiyyat) Nazirliyinin 4 mülki geyimli əməkdaşı tərəfindən iş yerində vəhşicəsinə döyüldükdən sonra həbs edilərək, naməlum yerə aparılıb.
“AzPolitika.info” xəbər verir ki, bu barədə “Azad İran” kanalı məlumat yayıb.
Məlumatda bildirilib ki, saat 19:00-da da İran təhlükəsizlik orqanının üç əməkdaşı Güney Azərbaycandan olan milli fəalın evinə basqın edib. Evdə axtarış apardıqdan sonra onun şəxsi əşyalarını, o cümlədən noutbukunu, kitablarını və mobil telefonunu müsadirə ediblər.
Mehrdad Qadirinin həbsinin səbəbi və harada olması barədə hələ ki, məlumat yoxdur.
“AzPolitika.info”
Şərhlər