“GÖRƏSƏN, ONU HANSI AQİBƏT GÖZLƏYİR?...” – Medvedev Paşinyanı təhdid etdi

Rusiya Təhlükəsizlik Şurasının sədr müavini, keçmiş Prezident Dmitri Medvedev Ermənistan hakimiyyətini təhdid edib.

“AzPolitika.info” xəbər verir ki, bu barədə o, özünün “Teleqram” kanalından paylaşım edib.

Medvedev sözügedən paylaşımında bunları yazıb: “Bir gün qardaş ölkədən olan həmkarlarımdan biri mənə dedi ki, “Mən sənə yad adamam, ona görə də məni qəbul etməyəcəksən”. Mən isə cavabımda bildirdim ki, biz tərcümeyi-hal ilə yox, davranışlarla mühakimə edirik. Sonra o, müharibəni uduzdu və qəribə bir şəkildə öz postunda qaldı. Sonra məğlubiyyətə görə Rusiyanı günahlandırmaq qərarına gəldi. Daha sonra isə ölkəsinin ərazisinin (?!) bir hissəsindən imtina etdi. Sonra NATO ilə əlaqə qurmaq qərarına gəldi və arvadı meydan oxuyurmuşcasına “peçenye” ilə düşmənlərimizin yanına getdi. Görəsən, onu hansı aqibət gözləyir...”

“AzPolitika.info”