Kipr hökuməti Qarabağ ermənilərinə təcili humanitar yardım göstərməyə hazırdır və erməni qaçqınların ölkədə yerləşdirilməsi imkanlarını nəzərdən keçirir.
“AzPolitika.info” “RİA Novosti”-yə istinadla xəbər verir ki, bu barədə Kipr Xarici İşlər Nazirliyinin bəyanatında deyilir.
“Kipr Respublikası erməni xalqı üçün açıq kanallar saxlayır. Bu çərçivədə Kipr hökuməti minlərlə Qarabağdan qovulmuş, öz ata-baba yurdlarını tərk edən ermənilərə təcili humanitar yardım göstərməyə hazırdır. Bununla bağlı, ehtiyac yaranarsa, bir sıra erməni qaçqın ölkəmizdə yerləşdirilməsi imkanları da nəzərdən keçirilir”, - deyə məlumatda qeyd olunub.
Xarici İşlər Nazirliyi həmçinin ənənəvi türk düşmənçiliyinin davamı olaraq, Azərbaycanın 19 və 20 sentyabr tarixlərində keçirdiyi hərbi əməliyyatı və “9 noyabr 2020-ci il tarixli atəşkəs sazişinin kobud şəkildə pozulmasını” pisləyib.
Rüfət
AzPolitika.info
Şərhlər