Lənkəran Şəhər Rayon Polis Şöbəsinin əməkdaşlarının daxil olmuş məlumat əsasında keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsində şübhəli bilinən rayon sakini, əvvəllər məhkum olunmuş Samid Əliyev narkotik vasitə heroini satarkən saxlanılıb.
DİN-in Mətbuat Xidmətinin Lənkəran regional qrupundan verilən məlumata görə, əməliyyat tədbirlərinin davamı nəticəsində onun narkotik vasitəni əldə etdiyi şəxsin Lənkəran sakini, əvvəllər məhkum olunmuş Bünyad Heydərov olduğu müəyyən edilib və sonuncu da polis əməkdaşları tərəfindən saxlanılıb.
Keçirilən baxış zamanı B.Heydərovun üzərindən və yaşadığı evdən ümumilikdə 8 kiloqram 300 qram heroin aşkarlanaraq götürülüb. Onun sözügedən narkotik vasitəni satışının təşkil olunmasından ötrü xaricdə yaşayan narkotacir vasitəsilə əldə etdiyi müəyyən olunub.
Bundan əlavə, Lənkəran ŞRPŞ-nin əməkdaşlarının son bir ay ərzində narkotiklərin qanunsuz dövriyyəsinə qarşı keçirdikləri əməliyyatlar zamanı ümumilikdə 32 nəfər saxlanılıb. Faktlarla bağlı zəruri istintaq hərəkətləri davam etdirilir.
Şərhlər
Bunların hamısının (bütün Respublika üzrə ) himayəçisi niyə üzə çıxarılmır?Axı bunu hakimiyyət bilməmiş deyil! Məsələnin kökünü unudub qyruğu ilə oynamağın nəticəsi nə olacaq? Bu narkotik üstündə tutduqlarınızın hamısı məhkəməyə çıxarılıb?Onlara hansı cəza verilib.Bir bunu açıqlayan varmı?Əgər bu qədər tutulanlar həqiqətən məhkəmə ilə müəyyən müddətə (rüşvət xaeic ) həbs olunsa idilər indi belə cinayətkarların sayı 5-6 dəfə azalardı.Yoxsa bir Lənkəranda 30 narkotik atan necə ola bilər?
İş yeri olmadığına görə adamlar yaşamaq üçün cinayətə qurşanırlar.