Görünməmiş üçüncü müddətə hakimiyyətdə qalmaq üçün mübarizə aparan Polşanın millətçi hökuməti vətəninə yaxın bir tənqid hədəfi seçib - onun NATO müttəfiqi və ən böyük ticarət tərəfdaşı olan Almaniya.
«AzPolitika.info» saytı «Reuters» agentiyinə istinadla xəbər verir ki, son günlər Polşa hökuməti Almaniyanı müxalifətin təbliğatında əsas rol oynamaqda ittiham edir.
Oktyabrın 15-də Polşada keçiriləcək seçkilər öncəsi gərgin yarışda hakim Qanun və Ədalət (PiS) partiyasının liderləri Almaniyanı Berlindən «miqrasiyadan tutmuş qaza qədər hər şeylə bağlı» Polşa hökumətinə diktə etməyə çalışmaqda ittiham ediblər.
Bu qarşıdurma Ukraynanı Rusiyanın işğalına qarşı dəstəkləyən Avropanın geniş birləşmiş cəbhəsini sarsıdıb və Kiyevə dəstək üçün yaradılacaq Polşa-Almaniya birgə tank təmiri zavodu planını da pozub.
Populist PiS rəhbərliyi iddia edir ki, Almaniyanın hakim dairələri partiyanın əsas seçki rəqibi, keçmiş baş nazir, liberal siyasətçi Donald Tusku yenidən hakimiyyətə gətirmək niyyətindədir.
İkinci Dünya Müharibəsinin dağıntılarını xatırlayan yaşlı mühafizəkarlar arasında da, hakim partiyanın Almaniyaya yönələn tənqidləri müsbət qarşılanıb.
Baş nazir Mateuş Moravetski seçki kampaniyası zamanı deyib: "Siz müxalifətin proqramını harada oxuya bilərsiniz? Alman qəzetlərində".
Rüfət
AzPolitika.info
Şərhlər