Oktyabrın 10-da Ukraynanın Müdafiə Məsələləri üzrə Təmas Qrupunun "Ramştayn" adlanan 16-cı iclası keçiriləcək.
"AzPolitika.info" UNİAN-a istinadla xəbər verir ki, görüşdə Pentaqonun rəhbəri Lloyd Ostin və ABŞ Baş Qərargah Rəisləri Komitəsinin sədri Çarlz Braun iştirak edəcək.
Bu barədə ABŞ Müdafiə Nazirliyinin rəsmi saytında məlumat verilib. ABŞ-ın müdafiə naziri Lloyd J. Ostin və Birləşmiş Qərargah Rəisləri Komitəsinin sədri general Çarlz Q. Braun oktyabrın 10-da Ukrayna Müdafiə Təmas Qrupunun təkbətək iclasını keçirmək üçün Belçikanın paytaxtı Brüsselə gedəcək.
Qeyd olunur ki, Pentaqonun rəhbəri və Komitə sədri 50-yə yaxın ölkənin müdafiə katibləri və yüksək rütbəli hərbçilərlə bir araya gələrək Ukraynadakı mövcud vəziyyəti müzakirə edəcək.
Rüfət
AzPolitika.info
Şərhlər