İsrailə qarşı yeni cəbhə açılır? – İran rəsmisi aydınlıq gətirdi

“Bölgədə yeni cəbhənin açılması İsrailin Qəzzadakı hərəkətlərindən asılıdır. Onlar Qəzzanı tamamilə mühasirəyə alıb, vətəndaşları bombalayıb, müharibə cinayətləri törədib və sonda buna qarşılıq verilməyəcəyini gözləyə bilməzlər”.

“AzPolitika.info” xəbər verir ki, bunu İranın xarici işlər naziri Hüseyn Əmir Abdullahian bildirib.

Abdullahian İsrailin tamamilə mühasirəyə aldığı Qəzzaya qarşı qırğın başlatdığını, başda ABŞ olmaqla bəzi tərəfdaşların Təl-Əviv rəhbərliyinə dəstək verdiyini deyib: “Bu şərtlərdə hər cür ehtimal gerçəkləşə bilər. Biz bölgədə yeni hadisələrin şahidi ola bilərik. Düşünürəm ki, oktyabrın 7-də İsrailə qarşı başladılan “Əqsa tufanı” əməliyyatı İsrail rəhbərliyinin radikal yanaşmalarından qaynaqlanır. Biz Qəzza xalqına yardımların çatdırılması üçün Qırmızı Xaç və Birləşmiş Millətlər Təşkilatının rəsmiləri ilə əlaqə saxladıq və bölgə ölkələri ilə məsləhətləşmələr apardıq”.

İranlı nazir qeyd edib ki, İsrailin Qəzzada törətdiyi hərbi cinayətlərin dayandırılması zəruridir.

“AzPolitika.info”