“Oktyabrın 7-də İsrail ilə baş verən qarşıdurma zamanı HƏMAS 150-dən çox mülki vətəndaşı girov götürüb. Vətəndaşlarını xilas etmək istəyən ölkələr Türkiyə də daxil olmaqla 3 ölkədən kömək istəyib”.
“AzPolitika.info” xəbər verir ki, bu barədə ABŞ-ın “Wall Street Journal” (WSJ) nəşri məlumat yayıb. Məlumata görə, vətəndaşlarını HƏMAS-ın əlindən xilas etmək istəyən bir çox ölkə Misir, Qətər və Türkiyə rəsmiləri, eləcə də kəşfiyyat xidmətləri ilə görüşməyə başlayıblar.
Mövzu ilə bağlı WSJ-yə danışan misirli bir səlahiyyətli HƏMAS ilə əlaqə qurmağın mümkün olmadığını, HƏMAS üzvlərinin telefonlara cavab vermdəyini deyib.
ABŞ nəşri onu da qeyd edib ki, Türkiyə girovların vəziyyəti ilə bağlı HƏMAS-dan yetərli cavab ala bilməyib.
Xəbərə görə, HƏMAS Türkiyəyə göndərdiyi mesajda “İsrail əlində saxladığı minlərlə fələstinli girovu azad etmədən əsirləri azad etməyəcək” ifadəsini işlədib.
“AzPolitika.info”
Şərhlər