Netanyahu ərəb ölkələrinin liderlərini də təhdid etdi – “Səssiz qalın!”

“Bunu ərəb liderlərinə deyirəm. Əgər maraqlarınızı və gücünüzü qorumaq istəyirsinizsə, yalnız bir şey etməlisiniz - Səssiz qalın!”

“AzPolitika.info” xəbər verir ki, bunu İsrailin Baş naziri Benyamin Netanyahu ötən gün Təl-Əvivdə keçirdiyi mətbuat konfransında deyib.

Qəzzaya edilən hücumlarla bağlı açıqlama verən Netanyahu ərəb ölkələrinin Qəzza üçün toplaşdığı, lakin bir nəticəyə gələ bilmədiyi İslam Əməkdaşlıq Təşkilatının zirvə toplantısıyla bağlı sərt ifadələr işlədib.

Qeyd edək ki, ötən gün baş tutan İslam Əməkdaşlıq Təşkilatının Qəzza sammitinə 11 ərəb ölkəsi qatılıb. Liderlər 1967-ci ildə olduğu kimi İsrailə qarşı sanksiya tələbi ilə bağlı razılığa gələ bilməyiblər.

“AzPolitika.info”