Avro-2024-ün seçmə mərhələsində daha iki oyun başa çatıb.
E qrupunda Moldova və Albaniya yığmalarının qarşılaşması “sülhlə” bitib - 1:1.
Albaniya millisi 14 xalla turnir cədvəlində birinci yeri tutmaqla 2024-cü il Avropa çempionatına vəsiqəni təmin edib. Moldova isə 10 xalla üçüncü yerdədir.
H qrupunda Finlandiya Şimali İrlandiyanı darmadağın edərək məğlubiyyət seriyasını qırıb - 4:0. Hazırda skandinavlar turnir cədvəlində 15 xalla dördüncü yerdədir. Şimali İrlandiya isə altı xalla beşincidir. Qrupa 19 xalla Danimarka liderlik edir.
H qrupundakı Qazaxıstan San Marinodan üstün olub - 3:1.
Bu oyunun nəticəsindən sonra Qazaxıstan millisi qrupda üçüncü yerdə möhkəmlənib. Doqquz görüşdən sonra komanda 18 xal toplayıb. San Marino isə xalsız qalaraq sonuncu - altıncı yerdədir.
Şərhlər