Kreml 2028-ci ilə qədər Rusiya Federasiyasının 2022-ci ildə malik olduğu hərbi potensialı bərpa etməyi planlaşdırır.
"AzPolitika.info" xəbər verir ki, bu barədə Ukrayna Xarici Kəşfiyyat Xidmətinin rəhbəri Aleksandr Litvinenko «İnterfaks-Ukrayna» saytındakı bloqunda yazıb.
O, həmçinin, hesab edir ki, Rusiya Yaxın Şərq, Afrika və Balkanlarda münaqişələri qızışdırmağa çalışacaq.
"Putin hesab edir ki, üç gün ərzində Ukraynanı irimiqyaslı müharibədə məğlub edə bilməyən Kreml Qərblə münasibətlərdə geri dönüş nöqtəsini keçib. Geri dönüş yoxdur, Putin yalnız qələbə qazana bilər, ya da sarsıdıcı məğlubbiyyətlə üzləşər.
O, əmindir ki, Ukraynanın və qalan “tarixi rus torpaqlarının” geri qaytarılması və imperiyanın bərpası yalnız dünyanın qlobal yenidən bölüşdürülməsi çərçivəsində mümkündür. Bu cür yenidən bölüşdürülmə 10-15 il davam edə bilər, müxtəlif miqyaslı və intensivlikli münaqişələrlə, ola bilsin ki, nüvə silahından istifadə ilə müşayiət oluna bilər”, - deyə XKX rəhbəri qeyd edib.
Onun sözlərinə görə, Ukraynaya qarşı müharibə Kreml tərəfindən faktiki olaraq ABŞ və bütövlükdə Qərblə dünya müharibəsi aparan Rusiya Federasiyası üçün vacib, lakin yeganə cəbhə kimi qəbul edilir.
Litvinenko hesab edir ki, Kreml qarşısına dörd vəzifə qoyub və bunları yerinə yetirməyə çalışır:
"- Rusiya Federasiyasında daxili sabitliyi təmin etmək, əhalini və iqtisadiyyatı səfərbər etmək, silah və hərbi texnikanın istehsalını artırmaq.
- Qərbə alternativ dövlətlər koalisiyası, “çoxluq koalisiyası” yaratmaq. Bu “Qlobal Cənub+” formatı Qərbə alternativ modelləri (siyasi, iqtisadi, maliyyə, humanitar, dəyərlər və s.) təşviq etməlidir.
- Digər ölkələrə qarşı gələcək təcavüzə hazırlıq: Moldova və Baltikyanı ölkələr: Litva, Latviya, Estoniya: keçmiş SSRİ-nin bütün qərb hissəsi.
- Yaxın Şərq, Afrika və Balkanlarda münaqişələri alovlandırmaq".
Xarici Kəşfiyyat Xidməti rəhbərinin sözlərinə görə, 2026-cı ildə Rusiyada hərbi istehsalın həcmi irimiqyaslı, yüksək intensivlikli hərbi əməliyyatları dəstəkləməli, 2028-ci ildə isə Rusiya Federasiyası 2022-ci ildə malik olduğu hərbi potensialı bərpa etməlidir:
"Rusiyanın 2024-2026-cı illər üçün büdcəsi məhz buna görə formalaşıb. Artıq 2024-cü ildə Rusiya büdcə xərclərinin demək olar ki, 40%-i müharibəyə gedir (29,4% və ya 100 milyard dollardan çox müdafiə, 9,2% və ya 34 milyard dollar hüquq-mühafizə və kəşfiyyat xidmətləri üçün); 2025-ci ildə - 35% (müvafiq olaraq 93 milyard dollar və 35,5 milyard dollar), 2026-cı ildə - 30,5% (müvafiq olaraq 80 milyard dollar və 37 milyard dollar).
2023-cü ildə bu rəqəmlər 31,8% təşkil edib (müdafiə üçün 69,5 milyard dollar, hüquq-mühafizə və kəşfiyyat xidmətləri üçün isə 35 milyard dollar).
Rusiya artan nüvə şantajı ilə məşğul olacaq, Qərb elitalarını şübhəsiz uduzduqlarına və dinc yolla geri çəkilməli olduğuna inandırmağa çalışacaq: “Burada əsas rol Rusiya, Çin və çoxluq koalisiyasının digər ölkələrinin hərbi gücünü gücləndirmək olacaq”.
Rüfət
AzPolitika.info
Şərhlər
Get ... Amerikanın iti