HƏMAS hərəkatından tamamilə xilas olana qədər, ABŞ İsrailə silah tədarükünü davam etdirəcək.
«AzPolitika.info» TASS-a istinadla xəbər verir ki, bu barədə ABŞ Prezidenti Co Bayden yəhudilərin Hanukka bayramı münasibətilə Ağ Evdə keçirilən qəbulda bildirib. "Onlar [İsrail] HƏMAS-dan xilas olana qədər biz hərbi dəstək verməyə davam edəcəyik, lakin diqqətli və çox diqqətli olmalıyıq", Bayden deyib. Bununla belə, o xəbərdarlıq edib ki, İsrailin hərbi əməliyyatlarının xarakterinə görə beynəlxalq ictimaiyyətin vəziyyətə baxışı dəyişə bilər. "Bütün dünyanın fikri bir gecədə dəyişə bilər. Biz buna imkan verə bilmərik", - Amerika lideri qeyd edib. Bayden ABŞ-nin Qəzza zolağına da humanitar yardım göstərməyə davam edəcəyini vurğulayıb: "Biz fələstinli mülki şəxslərə humanitar yardım göstərilməsi üçün qlobal təşəbbüsə rəhbərlik etməyə davam edəcəyik. İsrailli dostlarımızın diqqətini mülki şəxslərin müdafiəsi zərurətinə yönəldirik".
ABŞ Prezidenti həmçinin Fələstin-İsrail münaqişəsi fonunda ABŞ-də və bütün dünyada antisemitizm səviyyəsinin artması ilə bağlı narahatlığını bildirib. "ABŞ-də və bütün dünyada antisemitizmin artması iyrəncdir" — deyə Bayden qeyd edib.
Rüfət
AzPolitika.info
Şərhlər
Ay qoca həpənd özündə yaxşı BİLİRSƏN ki, HƏMAS 3-5 nəfərlə bitən şey deyil bu bir ideologiya daşıyıcısıdır onu məhv etmək mümkün deyil onlar 1 ölkədə yerləşməyiblər ki? Sən sadəcə müharibə tərəfdarısan gücun putinə, Si Çin Pinə çatmadi qondun Fələstinə! Allah bunu sizlərə bagışlamaz, əmin olun!