ABŞ dekabrın sonuna qədər maliyyə ayırmağa qərar verərsə, Ukrayna buna şad olacaq. Lakin bu vəziyyəti faciəyə çevirmək lazım deyil. 

“AzPolitika.info” xəbər verir ki, Ukrayna Təhlükəsizlik Şurasının katibi Aleksey Danilov “BBC”-yə müsahibəsində belə deyib.

Danilov qeyd edib ki, dünya Ukraynanı Rusiya qarşısında məğlubiyyətə, məhvə sürükləyə bilməz: "Bu(yardım) bir az gec baş verərsə, biz bunu faciəyə çevirməməliyik. Həqiqət bizim tərəfimizdədir. Putin bəşəriyyətin gözü qarşısında bizi - uşaqlarımızı, qadınlarımızı, qocalarımızı məhv edəcəkmi? Bütün dünya bunu gözlərini yumaraq izləyəcəkmi? O zaman sual ondan ibarət olmalıdır ki, biz necə bir dünyada yaşayırıq”.

Bundan əlavə, o, Prezident Vladimir Zelenski ilə Baş Komandan Valeri Zalujnı arasında münaqişə barədə bəzi KİV-lərin dəfələrlə yazdığı şayiələri təkzib edib.

“AzPolitika.info”