"COP29-da 10 minlərlə xarici nümayəndə ölkəmizə gələcək, iki həftə ərzində Bakı dünyanın mərkəzi olacaq".
Bu fikri Azərbaycan Prezidenti İlham Əliyev dekabrın 15-də BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının - COP29-un gələn il ölkəmizdə keçirilməsi ilə əlaqədar keçirilən müşavirədə deyib.
"İrimiqyaslı beynəlxalq tədbirlərin keçirilməsi təbii ki, üzərimizə böyük məsuliyyət qoyur. Ancaq biz bu günə qədər bir çox beynəlxalq tədbirlər keçirmişik. Hətta bu il Beynəlxalq Astronavtika Konqresini böyük müvəffəqiyyətlə keçirmişik. Onu da hər kəs bilir ki, bu mötəbər beynəlxalq tədbir ikinci dəfə Bakı şəhərində keçirilib. 50 il bundan əvvəl sovet Azərbaycanının paytaxtı olan Bakıda, bu il isə müstəqil Azərbaycanın paytaxtı olan Bakıda bu tədbir keçirilmişdir. Ancaq təbii ki, COP29 bu vaxta qədər keçirilmiş tədbirlərlə müqayisəyə gəlmir. Hətta Avropa Oyunlarını xatırlasaq, o vaxt 5 min idmançı və onları müşayiət edən təqribən 3 min qonaq gəlmişdir. Ancaq COP29-da 10 minlərlə xarici nümayəndə ölkəmizə gələcək, iki həftə ərzində Bakı dünyanın mərkəzi olacaq. Müəyyən ehtimallara görə, təqribən 70-80 min xarici qonaq bu müddət ərzində ölkəmizdə olacaq," - dövlət başçısı qeyd edib.
Şərhlər
Bu mövzuda bu günlərdə xarici ölkədə bur toplantı keçiruldi.Azərbaycan nümayəndəliyi də iştirak edurdi.Bir ay keçməmiş eyni mövzuda toplantı hans ehtiyacdan keçirilir? Bu lazımsız və artıq xərc deyilmi? AXx bu tədbir Ermənistanda keçitilməli idi.Bu məsrəflə görün neçə qaziyə,şəhid ailəsinə yardım etmək olardı.Bu mənasız və hazırki vəziyyətdə Azərbaycana lazım olmatan tədbir ölkəyə nə verəcək? Əgər tanınmaq üçün isə bunun nəticəsi olmalıdır.Dünya Azərbaycanın problemlərinə diqqət etmək istəmədiyi göz önündədir.