Rusiyada İkinci Qərb Dairəsi Hərbi Məhkəməsi iki solçu radikal “telegram” kanalının inzibatçısı, Lipetsk vilayətindən olan Feliks Yeliseyevi dövlətə xəyanətdə və terrorçuluğa açıq şəkildə bəraət qazandırmaqda təqsirli bilib, 14 il müddətinə azadlıqdan məhrum edib.
«AzPolitika.info» xəbər verir ki, məhkəmənin mətbuat xidmətinin TASS-a verdiyi məlumata görə, Yeliseyev günahını etiraf edib və məhkəməyə qədər əməkdaşlıq müqaviləsi bağlayıb. "Məhkəmə sol radikal hərəkatlardan birinin tərəfdarı olan Yeliseyevi 14 il müddətinə azadlıqdan məhrum etdi. Təqsirləndirilən şəxs özünü təqsirli bilib və istintaqla əməkdaşlıq etmək üçün məhkəməyəqədər razılaşma əldə etdi", - məhkəmənin mətbuat katibi İrina Jirnova bildirib. İşə bağlı qapılar arxasında baxılıb.
Məhkəmənin müəyyən etdiyi kimi, Yeliseyev pulu kriptovalyuta hesabı vasitəsilə kuratoruna köçürüb. Alınan vəsaitlər Ukrayna Silahlı Qüvvələri, milli batalyonlar və ekstremist təşkilatlar üçün forma və silahların alınmasına sərf edilib, - FSB-nin Lipetsk vilayəti üzrə İdarəsi daha əvvəl bildirib. Əvvəlcə müstəntiqlər ona qarşı terrorizmə ictimai bəraət qazandırmaq maddəsi ilə (Rusiya Federasiyası Cinayət Məcəlləsinin 205.2-ci maddəsinin 2-ci hissəsi) iş açıb, şəxsi müharibə əleyhinə məzmunlu iki nəşr dərc etməkdə ittiham ediblər. Daha sonra FSB müstəntiqləri Rusiya Federasiyası Cinayət Məcəlləsinin daha ciddi maddəsini - “Dövlətə xəyanət” (275-ci maddə) əlavə edərək ona qarşı ittihamları sərtləşdirdilər. Yeliseyev ötən ilin sonunda saxlanılaraq istintaq təcridxanasına göndərilib.
Rüfət
AzPolitika.info
Şərhlər