«Qərbdən və ya Şərqdən bizə qarşı hər hansı açıq təzyiq görmüsünüzmü? Bunu xatırlamıram, çünki biz ölkəmizin maraqlarına əsaslanan və macəra ilə heç bir əlaqəsi olmayan addımlar atdıq».
«AzPolitika.info» Ermənistan KİV-lərinə istinadla xəbər verir ki, bu barədə Ermənistanın üçüncü Prezidenti Serj Sarkisyan dekabrın 28-də jurnalistlərlə söhbətində danışıb.
“KTMT ilə münasibətlərimizi davam etdirməsəydik, milyardlarla dollar dəyərində silahlarımız olmazdı. Təbii ki, bugünkü hökumət bu silahları metal qırıntıları adlandırır, lakin biz bu “metal qırıntılarının” təcrübəli istifadəçilər tərəfindən necə istifadə edildiyini görürük, məsələn, Ukraynada. Əgər biz Avrasiya İttifaqı üzvü olmasaydıq, indiki Ermənistanın iqtisadiyyatı çökərdi. Düz iki il idi ki, mən əvvəlcə Gömrük İttifaqına, sonra Avrasiya İttifaqına üzv ölkələrə İrəvanı bu struktura qəbul etməyi təklif etdim və xahiş etdim, çünki əks halda bu, Moldovada, Gürcüstanda və Ukraynada yaranmış vəziyyətə gətirib çıxarardı. O vaxt iqtisadiyyatımızın ən böyük sahəsi kənd təsərrüfatı idi və biz konyakımızı, əriklərimizi hara satmalı idik, bu qədər istixanalar var idi? Bəlkə Türkiyəyə satmaq üçün pomidor apara bilərdik? Avrasiya İttifaqında tərəfdaşlarımız bundan xəbərdar idilər. İctimaiyyət yaxşı bilirdi ki, biz iki il ərzində həm Gömrük İttifaqı, həm də Aİ ilə danışıqlar aparmışıq”, - Sarkisyan əmin edib.
“Bir tərəflə iqtisadi, digər tərəflə təhlükəsizlik məsələlərində əməkdaşlıq etmək olarmı” sualına o, belə cavab verib: “Xeyr, bir yerdə təhlükəsizlik mühiti, başqa yerdə isə iqtisadi mühit ola bilməz”.
Rüfət
AzPolitika.info
Şərhlər
Bu tesoy peyin dimdikləyən xoruza bənzəyir.