Mərkəzi Seçki Komissiyası seçki dairələri üzrə bələdiyyələrin adını və seçici sayını açıqlayıb. Dekabrın 23-də keçiriləcək bələdiyyə seçkiləri 118 seçki dairəsini əhatə edir. 1607 bələdiyyəyə 15035 üzv seçilməlidir.
“Media forum” saytı xəbər verir ki, noyabrın 28-də Mərkəzi Seçki Komissiyasının iclasında səsvermə günü seçki məntəqələrində proseslərin əvvəldən axıradək izlənilməsi məqsədilə 1000 seçki məntəqəsində veb-kameraların quraşdırılmasına qərar verilib. Komissiyanın iclasında bələdiyyə seçkilərində Müsavat Partiyasının səlahiyyətli nümayəndəsi qeydə alınıb.
MSK-da Müasir Müsavat, Demokratik İslahatlar, Sosial Demokrat, Böyük Quruluş, Ana Vətən, Yeni Azərbaycan, Vətəndaş Həmrəyliyi, Ümid və Milli Dirçəliş Hərəkatı partiyalarının səlahiyyətli nümayəndələri də qeydiyyatdan keçib.
Şərhlər