“Moskva Rusiya hakimiyyətinin qeyri-dost ölkələr siyahısına daxil etdiyi ölkələrdə prezident seçkiləri üçün seçki məntəqələri yaratmaqdan imtina edə bilər. Bura Aİ ölkələri, ABŞ, Avstraliya, Böyük Britaniya, İsveçrə, Monteneqro, Yaponiya, qismən tanınan Tayvan olmaqla ümumilikdə 49 dövlət daxildir”.
“AzPolitika.info” xəbər verir ki, bu barədə “Vedomosti” qəzeti hökumətdəki mənbələrinə istinadla yazıb.
Seçkilərdə səsvermə martın ortalarına təyin edilib. Rusiya Xarici İşlər Nazirliyi mümkün qərarın səbəbi kimi seçicilərin təhlükəsizliyini göstərir.
2018-ci il prezident seçkilərində 444 min nəfər xaricdə səs verib. Rəsmi nəticələrə görə, seçicilərin 85 faizi Vladimir Putinə səs verib ki, bu da ölkə üzrə orta göstəricidən çoxdur (onun ümumi nəticəsi 76,6 faiz olub).
Rusiyanın Ukraynaya genişmiqyaslı işğalından sonra Rusiyanın siyasətindən narazı qalan on minlərlə insan Rusiyanı tərk edib. Təkcə 2022-ci ildə yalnız Aİ ölkələrində 94 mindən çox rus yeni yaşayış icazəsi alıb. “Dost olmayan” ölkələrdə seçki məntəqələrinin açılmaması xaricdəki rusiyalıların seçkilərdə iştirakına imkan verməyəcək. Qanuna görə, xaricdən elektron səsvermə ola bilməz.
“AzPolitika.info”
Şərhlər