Dövlət yeni iş yerlərinin açılması istiqamətində bir çox işlər görsə də, yerlərdə işlə təminatla bağlı məsələ sanki daha da mürəkkəbləşdirilir.
“Report” xəbər verir ki, bu fikirləri Milli Məclisin Əmək və sosial siyasət komitəsinin üzvü Jalə Əliyeva deyib.
O bildirib ki, vətəndaş dövlət qurumlarının qapısı arasında sanki yol ölçür: "Nəhayətində də bizdən kömək istəyir. Ona görə də məşğulluq məsələsinin koordinasiya edilməsi mühüm məsələdir. Bölgələrdən mərkəzə gəldikdə sanki bir qopuqluq var. Vətəndaşla qurum arasında körpü rolunu oynamağa çalışsaq da, bizə verilən cavablar formal olur. Vətəndaşı da işlə təmin etmək qeyri-mümkün olur. Bu kimi məsələlərin dinləmədə nəzərə alınması yaxşı olardı”.
Komitə sədri Musa Quliyev deputat J.Əliyevaya cavabında qeyd edib: “Belə fikir yaranmasın ki, ölkədə yeni iş yerləri açılmır. Çünki ölkəmizdə hər il yüz mindən çox yeni iş yerləri açılır. Ona görə də dinləmdə demoqrafik vəziyyət məsələsi gündəmə gəlməlidir”.
Şərhlər
Dövlət son 30 ildə iş yerləri açılması ilə əlaqədar heç bir ciddi iş görməyib.Bu məsələni özəl firmaıatın üzərinə atmaq yanlış və mənasız sayılmalıdır.Azərbayvcanda bu illərdə bir ədəd də olsa 10000-30000 insan çalışacaq dövlət müəssisəsi açışlayıb.Varsa göstərin.Boş.yalan sözlərlə mətbuatda,telviziyada çıxışlardan o yana keçilməyib.Rayonlardan əhali isə işsizlikdən Baklya toplaşıb və ya xartici ölkələrə yaşam üçün üz tutublar.Hakimiyyətin bu sahədə işi qənaətbəxş deyil.Yalan və olmayanları eşitməkdən hamı bezib.Bu deputatcıq isə öz başını qoruyur ki.hakimiyyət onu yenidən siyahi deputat etsin.