Prezident seçkiləri üzrə qeydiyyatdan keçən beynəlxalq müşahidəçilərin sayı 800-ə çatır
Növbədənkənar prezident seçkiləri ilə əlaqədar 80 minə yaxın müşahidəçi qeydiyyatdan keçib.
"Report"un məlumatına görə, bunu Mərkəzi Seçki Komissiyasının (MSK) sədri Məzahir Pənahov yanvarın 29-da jurnalistlərə açıqlamasında deyib.
O bildirib ki, ölkədə 6300-dən çox seçki məntəqəsi var: "Hər məntəqəyə 15-ə qədər müşahidəçi düşür. Əsas məqsəd odur ki, müşahidəçilər fəal olsunlar, müəyyən məsələlərə müdaxilə etmək səlahiyyətləri var".
M.Pənahov söyləyib ki, beynəlxalq müşahidəçilərin sayı 800-ə çatır. Onun sözlərinə görə, müşahidəçilər ATƏT, MDB və digər beynəlxalq təşkilatları təmsil edir: "Xarici ölkələrin Azərbaycandakı səfirliklərinin nümayəndələri, eləcə də, MSK-nın dəvət etdiyi komissiyaların rəhbərləri və nümayəndələri də var".
MSK sədri qeyd edib ki, Laçın, Şuşa və azad olunmuş digər ərazilərdə prezident seçkilərinə hazırlıq başa çatıb: "Beynəlxalq qurumların yaxşı müşahidə aparmasını vacib sayırıq. Xüsusilə çox istərdik ki, ATƏT-in uzunmüddətli missiyası da azad olunan ərazilərdə prosesi izləsin. ATƏT-in vəzifəsi işğaldan azad bölünmüş ərazilərdə ciddi müşahidə aparmaq olmalıdır. Çünki bilirsiniz, bu seçkiləri Zəfər seçkisi adlandırırıq. Hamımız fəal olmalıyıq".
Şərhlər
Doğrudan da sevindirici haldır.Ömrümdə bu qədər sevindiyimi xatırlayammıram.Sanki bütün dünya mənim olub.Düşünürəm ki artıq yaşamağa dəyər.Qarşıma çıxan hər kəsi qucaqlamaq,öpmək istəyirəm.İstəyirəm bütün küsülülər barışsın,qurdnan quzular,qayınanalarnan gəlinlər can deyib can eşitsinlər,axı qeydiyyatdan keçən beynəlxalq müşahidəçilərin sayı 800-ə çatır.Şükürlər olsun ki ölmədim bu günü də gördüm.Antooon! Yox,Anton yox. Antoniii!Hardasan?Gəl gör bu xoş günləri.Sən mənim ürəyimi paralamısan, heç məni belə sevindirəmməmisən.Bax gör adamı necə sevindirərlər.Gəl də,Kamil,gəl."Nə Kamil adə?Gün-bünortadu ee.Oyan görək,işə gedəsi deyilsən?".
Bu sheytansifeti hecholmasa cavan kadrla evez edin ki insanlarda sechkilere guven artsin.