“Vaşinqtonun Ukraynaya göndərdiyi təchizat heç bir şəkildə “xüsusi hərbi əməliyyat”a təsir etməyəcək. Onlar Moskvaya, Kremlə deyil, ancaq ukraynalıların özlərinə daha çox ağrı verirlər”.
“AzPolitika.info” xəbər verir ki, bunu Rusiya Prezidentinin mətbuat katibi Dmitri Peskov “Putin” proqramının müxbiri Pavel Zarubinə deyib. Bu gün Zarubin “Telegram” kanalında proqramın bir hissəsini dərc edib.
“Sürprizlərə gəlincə, bəli, Birləşmiş Ştatlar bu münaqişənin birbaşa iştirakçısı olmaqla və iştirakını artırmaqla Kiyev rejimini müharibəni davam etdirməyə təhrik edir. Lakin bu, heç bir şəkildə xüsusi hərbi əməliyyatın gedişinə və nəticəsinə təsir edə bilməz. Bütün məqsədlər yerinə yetiriləcək”, - Peskov təkid edib.
“Onun sözlərinə görə, amerikalılar ukraynalılara daha çox ağrı verir, daha çox ukraynalı isə amerikalılara görə ölür”, - Peskov ABŞ dövlət katibinin siyasi məsələlər üzrə müavini Viktoriya Nulandın “Rusiya döyüş meydanında tezliklə sürprizlərlə üzləşəcək” sözlərini şərh edərkən bildirib.
“AzPolitika.info”
Şərhlər