Şimali Koreya Çin məhsulları adı altında bütün dünyaya satılan saxta kirpiklər və pariklər ixrac edərək milyonlarla dollar qazanır.
"Report"un məlumatına görə, bu barədə "Reuters" gözəllik sənayesinin ekspertlərinə, həmçinin KXDR və ÇXR gömrük orqanlarının məlumatlarına istinadən məlumat yayıb.
Belə ki, Şimali Koreya keçən il Çinə təxminən 167 milyon dollar dəyərində 1680 ton saxta kirpik, saqqal və parik ixrac edib.
Məsələn, 2019-cu ildə Şimali Koreya 31,1 milyon dollar dəyərində 1829 ton məhsul ixrac edib.
Qeyd olunub ki, parik və saxta kirpiklər ölkə ixracatının təxminən 60%-ni təşkil edib. Agentlik qeyd edib ki, Şimali Koreyanın saxta kirpikləri və pariklərinin emalı, qablaşdırılması və dünya miqyasında satışı Kim Çen Ina mühüm xarici valyuta mənbəyi təmin etməklə beynəlxalq sanksiyalardan yan keçmək imkanı verir.
Şərhlər